Cov hauj lwm txhawb nqa kev noj qab haus huv uas yog lub tsev kawm ntawv Kav Tos Liv ua. Nws rub tau 5,000 tus tub kawm nyob Bangkok, uas yog tau txais kev txhawb nqa los ntawm tseem hwv

5,000 tus tub kawm hauv 7 lub tsev kawm ntawv nyob Bangkok, tau koom nrog cov hauj lwm txhawb nqa kev noj qab haus huv ntawm cov me nyuam kawm ntawv. Yog cov hauj lwm pib los ntawm 2 lub tsev kawm ntawv Kav Tos Liv. Lawv tau txais kev txhawb nqa los ntawm lub Koom Haum kev noj qab haus huv hauv Thaib teb. Cov hauj lwm no yog pib los ntawm lub tsev kawm ntawv Xavier Convent thiab lub tsev kawm  ntawv Santa Cruz Convent. Ob lub tsev kawm ntawv no yog cov Leej Phauj hauv lub Koom Haum Saint Paul de Chartres ua tus saib xyuas. Thiab ua hauj lwm nrog cov qub tub kawm hauv Saint Paul de Chartres. Yog lub Koom Haum cov qub tub kawm nyob thoob Thaib teb ntawm lub tsev kawm ntawv SPC. 

Tus kws txuj Suwanna Wongsurakrai uas nws yog tus thawj coj ntawm SPCSS hais tias “Cov hauj lwm no yog taw mus rau kev noj qab haus huv ntawm cov tub ntxhais hluas. Li ntawd, cov tub kawm uas nkag mus koom feem coob thiaj yog cov nyob hauv qib nrab ntu ib thiab ntu ob.” 

Nws hais ntxiv tias “Cov hauj lwm no ua kom pom txog kev nkag siab ntawm lub Koom Txoos Kav Tos Liv hais txog kev noj qab haus huv. Yog qhov pom tias lub cev ntaj ntsug khiav tsis dhau kev saib xyuas lub siab ntsws, kev xav thiab fab ntsuj plig.”