Cov hauj lwm hauv Xis Laas Kas cov nkuaj kaw neeg, ua kom pom tias kev tuam choj txuas nrog kev sib raug zoo, pab txhawb nqa lub neej puas tsuaj los ntawm kev quav yeeb quav tshuaj tau li cas ?

Cov hauj lwm hauv cov nkuaj kaw neeg ntawm cov Leej Phauj hwm Ntoo Cuam nyob Chavanod hauv Xis Laas Kas teb, tau ua kom pom txog kev tuam choj tseeb kawg hauv kev quav yeeb quav tshuaj nyob hauv lub teb chaws. Cov Leej Phauj no tau saib xyuas cov neeg raug kaw nkuaj hauv kev sib pom dej siab, kev saib xyuas fab ntsuj plig thiab kev txhawb nqa. Pab txhawb nqa kev tsis sib haum xeeb, txhawb lub meej mom kev ua neeg thiab txuas nrog cov raug teeb meem hauv yim neeg, hauv zej zog thiab lawv tus Tswv Ntuj.

Leej Phauj Maureen Peiris, SCC, uas yog tus tuav xam ntawm lub Koom Haum, tau ua hauj lwm pab cov poj niam nyob hauv lub nkuaj kaw neeg Dumbara hauv lub nroog Kandy. Leej Phauj tau qhia kev ntseeg txhua txhua lub lis piam. Nrog lawv teev Ntuj ua ke thiab mloog tej yam lawv piav. Nws hais tias cov poj niam coob leej yuav tsum uv kev sib cav sib ceg, kev tu siab, kev tsis sib haum xeeb ntawm tsev neeg thiab kev quav yeeb quav tshuaj. Tab sis kev kho lawv tej mob, yog pib thaum lawv qhib siab mloog tiag tiag, thiab nrhiav pom lawv lub meej mom hauv kev ua Tswv Ntuj me nyuam. Cov hauj lwm no tseem ua tawm mus rau sab nraud thiab, yog kev mus tsham lawv cov tsev neeg kom tau txhawb nqa kev sib haum xeeb, thiab txhawb nqa cov neeg raug txim tej me tub me nyuam. Txawm li cas kuj xij, Leej Phauj Peiris xav tias cov neeg raug txim yav tag los coob leej raug luag tej ntxub, tsis muaj hauj lwm ua thiab tsis muaj neeg kam lees lawv tom qab raug tso tawm nkuaj. Ces kev txhawb nqa zej zog thiaj yog qhov tseem ceeb hauv kev txhawb nqa ntxiv mus.

Txiv Plig John Stephen uas nws yog tus Txiv Plig saib lub nkuaj kaw neeg hauv lub Cheeb Koom Txoos Kandy hais tias : “Kev teev Ntuj txhua txhua hnub, cov Cim Ntshiab thiab kev saib xyuas fab ntsuj plig tau pab cov neeg raug txim coob leej kom tig los yuav lub siab tshiab, tau daws txhaum thiab muaj kev cia siab tshiab. Tsis muaj leej twg nyob siab dua Tswv Ntuj txoj kev khuv leej.” Nws piav tias cov hauj lwm hauv cov nkuaj kawg neeg yog cov hauj lwm txhawb nqa lub meej mom thiab npaj tej tus neeg kom tau tsim lub neej tshiab. Leej Phau Pieris thov kom muaj kev sib tham ntau dua qub ntawm tseem hwv cov neeg thiab cov tsev neeg, hauv tsev kawm ntawv, hauv cov neeg ntseeg thiab zej zog. Kom tau daws teeb meem kev quav yeeb quav tshuaj uas muaj ntau zuj zus nyob Xis Laas Kas teb. Nws hais tias lub Koom Txoos muaj feem cuam txog kev ua hauj lwm hauv tsev loj faj, kev txhawb nqa cov yim neeg thiab tos txais cov neeg ntseeg uas xav txhawb nqa cov neeg cim yeeb cim tshuaj, hauv lub caij cov Tswv Qhia As Xias tab tom npaj FABC lub rooj sab laj.

Leej Phauj Peiris hais tias : “Txhua lo lus ntawm kev sib tham, txhua lo lus thov Ntuj thiab txhua yam kev ua los txhawb nqa, puav leej yog kev tuam choj ntawm kev quav yeeb quav tshuaj mus rau kev cim yeeb cim tshuaj, ntawm kev tsis lees txais mus rau kev lees txais, thiab ntawm qhov tag kev cia siab mus rau muaj kev cia siab.”