Caritas Honoi xa kev pab mus rau cov neeg raug kev kub ntxhov los ntawm lub khaub lig cua nyob Nyab Laj qaum teb

Pab neeg ua hauj lwm rau zej zog nyob hauv lub Cheeb Koom Txoos Hanoi, tau xa kev pab mus rau tsoom pej xeem uas lawv raug khaub lig cua nyob Nyab Laj qaum teb. Caritas Honoi hais tias : “Lawv lub Koom Haum tau mus txog ntau thaj tsam nyob Nyab Laj qaum teb, yog cov thaj tsam raug kev puas tsuaj loj kawg los ntawm khaub lig cua. Lawv tau pab tej yam cheem tsum mus pab cov yim neeg uas tau txais kev kub ntxhov. Caritas tau faib txhiam xws noj rau 134 yim neeg uas lawv raug dej nyab loj. Nyob hauv lub zos Coc Phat, hauv lub xeev Pac Vau, muaj 67 yim neeg raug dej nyab. Hauv lub zos Cao Xuyen, kuj muaj 67 yim neeg raug dej nyab thiab. 

Caritas Hanoi hais tias : “Muaj qee thaj tsam uas muaj tsev teev Ntuj, kuj tseem raug dej nyab loj. Tshwj xeeb tshaj yog tej chaw nyob ze dej, uas muaj cov neeg ntseeg nyob.” Caritas Hanoi kev mus tsham thiab mus pab zaum no; yog coj kev sib pom dej siab, kev thov Ntuj thiab kev nyiam kev hlub ntawm cov neeg ntseeg hauv lub Cheeb Koom Txoos Hanoi, mus txog peb cov kwv tij uas lawv tab tom ntsib kev txom nyem.