Bangkok thiab Phnom Penh sib hais ntxiv mus, kom tau txo tej kev tsis sib haum xeeb nyob ntawm ciam teb.
Bangkok thiab Phnom Penh sib hais ntxiv mus, kom tau txo tej kev tsis sib haum xeeb nyob ntawm ciam teb.
Thaib thiab Khas Phus Chas pom zoo kom tshem cov tub rog nyob ntawm ciam teb uas tsis sib haum xeeb. Tom qab ob tog sib tua nyob hauv lub hli tag los. Ua rau cov tub rog Khas Phus Chas tuag 1 tug. Ob tog cov tseem hwv zeem tseeb txog qhov ntawd nyob hauv Hnub Chiv tag los.
Kev txav li no tau tshwm sim nyob hauv kev chim siab raws ciam teb. Qhov loj tshaj yog ntawm thaj tsam av xab xeeb kaum Emerald Triangle, uas yog ciam teb Khas Phus Chas, ciam teb Thaib thiab ciam teb Los Tsuas los xaus ua ke. Kev sib tua muaj ceem zaum kawg tshwm sim nyob hauv hnub tim 28 lub 5 hlis. Yog kev sib tua ua ntu zus thiab qhov kawg uas tsim kev kub ntxhov rau thaj tsam no yog txij xyoo 2008 los, thiab ua rau neeg tuag 28 leej.
Paetongtarn Shinawat uas yog Thaib tus thawj pwm tsav hais tias : nws tau nrog cov tseem hwv Khas Phus Chas sib tuav xam thiab xaus rau qhov zoo. Raws kev tshaj tawm ntawm Agence France-Presse. Khas Phus Chas lub pwm tsav tub rog zeem tseeb txog kev sib ntsib ntawm ob tog zaum no, thiab ob tog hais tias lawv tau txiav txim siab txo tub rog, kom tau rov mus rau tej chaw uas tsim nyog nyob thiab txhob sib pom sib ntsib, thiaj tsis muaj kev sib tua.
