Ayaan Hirsi Ali tus neeg thoj nam uas rais ua tus coj tsis ntseeg txog Tswv Ntuj, tab sis tom qab mas nws yog neeg ntseeg.

Thaum lub ntiaj teb tsuj xeeb cov neeg thoj nam hnub, uas yog hnub tim 20 lub 6 hli mas zaj hais txog Hirsi Ali hauv kev ua neeg thoj nam, kev pauv ntxeev fab tswv yim thiab kev nrhiab fab ntsuj plig yog qhov tseem ceeb tshaj nyob hauv ntau caum xyoo dhau los.

Hirsi Ali yug nyob Xos Mas Lias teb xyoo 1969. Nws tau ua lub neej thaum tseem yau nyob Xaus Dis As Las Npas, Es Thias Pias thiab nyob Kes Nias teb. Vim kev tsis ruaj ntseg hauv kev tseev tsim thiab kev kub ntxhov hauv yim neeg, thaum nws muaj 10 lawv thiaj tsiv mus nyob Netherland, kom tau zam kev sib yuav uas npaj tseg. Tom qab lawv khiav ua neeg thoj nam, nws tau kawm txuav ntxiv thiab nkag rau Netherland kev tseev tsim. Nws tau ua tus txhawb nqa cov poj niam txoj cai, kev twj lij fab kev ntseeg thiab kev txhim kho hauv xyoo 2004. Tsab ntawv xov xwm Time’s qhuas tias nws yog ib tug hauv 100 leej neeg muaj hwj chim tshaj nyob ntiaj teb. Hirsi Ali yog tus sawv daws paub dav kawg los ntawm kev xyav moo hais txog kev ntseeg Islam uas nws pom tias yog kev quab yuam cov poj niam. Kev koom tes ua hauj lwm ntawm nws thiab Theo Van Gogh uas yog ib tug thawj tswj kev ua yeeb yaj duab, thiab raug cov Islamist tua tuag xyoo 2004. Ua rau kev ua hauj lwm thiab tej kev quab yuam uas nws raug yog qhov tseem ceeb ntawm txhua lub teb chaws.

Sij hawm dhau mus 20 tawm xyoo uas nws hais tias nws tsis ntseeg txog Tswv Ntuj, ntshaw ntiaj teb lub cuab tam thiab xyav moo txog kev ntseeg. Txawm li cas kuj xij, thaum lub 11 hlis 2023, Hirsi Ali tshaj tias nws yuav hloov los txais kev ntseeg hauv lub npe tias : “Vim li cas tam sim no kuv ho yog neeg ntseeg ?” Nws piav tias :

“Kev txiav txim siab ntawm nws tsis yog los ntawm kev paub kev ntseeg tam sid, tab sis yog tshwm sim los ntawm cov lus nug uas muaj ntsiab lus, muaj kev ncaj ncees thiab neeg lub hom phiaj nrog rau kev txhawj xeeb txog lub neej ncaj ncees sab hnub poob.” Hirsi Ali nrog kev ntseeg sib cav txog kev ncaj ncees thiab fab ntsuj plig uas nws pom tias tsis muaj nyob hauv cov neeg ntseeg. Kev hloov kev ntseeg ntawm nws ua kom muaj kev sib tiv ntau yam. Qee leej zoo siab txog qhov nws tig los txais kev ntseeg, tab sis qee leej kuj teeb tej lo lus nug tias kev txiav txim siab ntawm nws qhia txog kev ntseeg fab ntsuj plig los yog kev txhawj xeeb hauv tej kab lis kev cai thiab kev tseev tsim. Kev khiav ua neeg thoj nam ntawm nws mus txog qhov tsis ntseeg txog Tswv Ntuj thiab tus hloov los txais kev ntseeg. Ua kom poom txog kev sib raug zoo hauv cov neeg tsiv teb tsaws chaw, tus yam ntxwv, kev twj lij thiab kev nrhiav qhov tseeb.

Hmong Survey Popup Image