Raws li Tswv Qhia Felice Htoo nyob Pekhon cov lus hais, thaum nws mus tsham Vas Tis Kas tsis ntev los no. Tswv Qhia Htoo hais rau Vas Tis Kas lub rooj ntawv xov xwm tias “Tus Tswv Qhia nyob Pekhon, Loikaw, Banmaw, Mindat thiab Lashio khiav tawm ntawm lawv tej chaw mus nyob rau qhov chaw nyab xeeb. Tom qab muaj kev sib ntaus sib tua tsis tu ncua ntawm tseem hwv cov tub rog thiab cov yeeb ncuab tiv tseem hwv. Ua rau lawv tsis tuaj yeem rov mus nyob tau hauv lawv tej chaw. Ntau lub tsev teev Ntuj raug kaw thiab raug tua piam sij. Muaj ntau tus Txiv Plig thiab cov neeg ntseeg ntau txhiab leej khiav tsiv teb tsaws chaw.”
Kev tsis sib haum xeeb pib muaj ceem tom qab kev txeeb teb chaws xyoo 2021. Ua kev kub ntxhob rau tib neeg kev ncaj ncees nyob thoob Mias Mas teb heev kawg. Tshwj xeeb tshaj yog nyob hauv lub Cheeb Koom Pekhon, muaj cov neeg tsiv teb tsaws chaw li ntawm 40,000 leej khiav mus nrhiav chaw nyob. 16 lub tsev teev Ntuj nyob hauv lub Cheeb Koom Txoos muaj 7 lub raug kaw tseg. Thiab muaj cov neeg ntseeg li ntawm 60,000 leej khiav tawm hauv lawv tej vaj tse mus. Tab txawm tias muaj teeb meem ntau tsav ntau yam, tsis kav cov thawj coj lub Koom Txoos kuj tseem mus xyuas cov neeg thoj nam nyob hauv cov yeej thoj nam, cov zej zog thiab tej chaw nyob nrug deb, kom tau pab lawv hais txog tib neeg kev ncaj ncees thiab txhawb nqa fab ntsuj plig.
Tswv Qhia Htoo hais tias “Muaj ntau txhiab leej neeg tseem ntxhov siab txog kev tsis sib haum xeeb uas laug sij hawm los tau 5 xyoos. Lawv tsis muaj dej haus, tsis muaj chaw nyob thiab lwm yam kev cheem tsum hauv tsov rog.”
