1 plhom 300 txhiab tus neeg ntseeg hla lub qhov rooj ntshiab hauv lub tuam tsev teev Ntuj Leej Ntshiab Pob Zeb, hauv thawj lub hlis ntawm kev tsuj xeeb xyoo ntshiab huv
Txij thaum Vaj Qhia Fas Ntshis Kus pib lub xyoo ntshiab huv 2025, muaj 1 plhom 300 txhiab tus neeg chaws hla lub qhov rooj ntshiab hauv lub tuam tsev teev Ntuj Leej Ntshiab Pob Zeb nyob Vas Tis Kas lawm. Nov yog Tswv Qhia Rino Fisichella uas nws yog tus thawj fab kev nthuav kev ntseeg ntawm lub Koom Txoos hais, kom tau nthuav kev ntseeg. Tswv Qhia Rino Fisichella tshaj tawm zaj no nyob hauv hnub tim 7 lub 7 hlis hais txog kev tsuj xeeb xyoo ntshiab huv ntawm cov tub rog. Txawm li cas kuj xij, Tswv Qhia qhia kom pom tias cov neeg tuaj tsim koob hmoov, tsis yog qhov txiav txim ntawm kev tsuj xeeb xyoo ntshiab huv. Qhov tseem ceeb yog yam nyob hauv neeg lub siab. Lub qhov rooj ntshiab kheev kheev raug teeb tseg nyob hauv Vaj Qhia 4 lub tsev teev Ntuj nyob Los Mas xwb, xws li lub tsev teev Ntuj Leej Ntshiab Pob Zeb nyob Vas Tis Kas, lub tsev teev Ntuj Leej Ntshiab Zam Lateran, lub tsev teev Ntuj Leej Ntshiab Mab Liab Major thiab lub tsev teev Ntuj Leej Ntshiab Paj Lug nyob sab nraud. Tab sis xyoo no Vaj Qhia Fas Ntshis Kus qhib ib qho chaw tshiab ntxiv, yog nyob hauv lub nkuaj kaw neeg Rebibbia uas nyob Los Mas thiab.
Dhau ntawm cov qhov rooj ntshiab lawm, tseem muaj lwm yam ua kom muaj neeg tuaj rau Los Mas thiab lwm qhov chaw nyob Is Tas Lias teb, kom tau koom kev tsuj xeeb nyob hauv xyoo no.
