Vaj Qhia Fas Ntshis Kus txhib hais txog Luxembourg’s tus yam ntxwv, txhawb nqa kev thaj yeeb thiab kev sib koom ua ib tug. Nyob hauv lub caij Vaj Qhia mus ncig tsham

Vaj Qhia Fas Ntshis Kus txhib hais txog Luxembourg’s tus yam ntxwv, txhawb nqa kev thaj yeeb thiab kev sib koom ua ib tug. Nyob hauv lub caij Vaj Qhia mus ncig tsham.

Hnub tim 26 lub 9 hlis 2024, uas yog hnub Vaj Qhia Fas Ntshis Kus mus tsham Luxembourg’s. Vaj Qhia tau txhib hais txog lub teb chaws tus yam ntxwv hauv kev sib koom tes thiab tsim kev thaj yeeb nyob Aws Los Pas. Vaj Qhia kuj hais txog nws kev txhawj xeeb ntawm ib tsoom neeg thiab kev sib txeeb sib tawg.

Luxembourg’s tuaj yeem ua kom pom txog kev thaj yeeb qhov muaj nqis nyob siab dua kev ua tsov ua rog. Thiab kev sib koom tes ntawm cov teb chaws muaj nqis dua qhov phem, kev muab hlob thiab kev nrhiav txiaj ntsim qab hau rau tus kheej. Vaj Qhia thov kom cov nom tswv muab tus kheej los ua hauj lwm rau kev thaj yeeb thiab kev txhim kho kom “Aws Los Pas teb ua ib tug thiab ua kwv ua tij nyob ntxiv mus”.

Kev sib tham nyob hauv tseem hwv lub tsev Cerde Cite, Vaj Qhia tau hais ib co lus tseem ceeb rau cov nom tswv, cov thawj coj zej zog thiab cov tiam lis. Ua kom pom txog Luxembourg’s tus yam ntxwv hauv kev tsim xeev ntuj Aws Los Pas thiab yog ib qho ruaj khov ntawm Aws Los Pas tom qab tsov rog ntiaj teb zaum ob xaus. Vaj Qhia ntxhov siab txog kev nqis peev tsim riam phom kom ntau tuaj. Nws hais tias : “Peb yuav tsum nco ntsoov tias : tsov rog yog kev swb. Yog qhov khuv xim hauv cov teb chaws Aws Los Pas. Kev nqis peev kom tau paj ntau, yog tsim riam phom.”

Vaj Qhia qhuas txog Luxembourg’s txoj kev muaj vaj huam sib luag thiab xav tias : kev muab siab rau ntawm lub teb chaws, neeg lub meej mom thiab kev zoo ntawm tsoom pej xeem, tuaj yeem ua kom Luxembourg’s muaj tus yam ntxwv zoo nyob saum ntiaj teb lub sam thiaj tau.