Vas Tis Kas hais tias kev txwv tsis yug me nyuam, tsis yog tus yawm sij tiv thaiv kev pluag. Tab sis thov rov saib kev ncaj ncees ntawm cov poj niam ua qhov tseem ceeb

Vas Tis Kas tab tom txhawb nqa lub tswv yim hais txog tiv thaiv tsis pub muaj me nyuam yog lo lus teb ntawm kev pluag nyob ntiaj teb. Raws li Tswv Qhia Caccia tus soj ntsuam ntawm Vas Tis Kas nyob hauv lub Leej Haum Kuj ua tus hais, nws tsis pom zoo thiab tsis lees lo lus tias : kev tiv thaiv tsis pub yug me nyuam, yog tus yawm sij daws kev pluag rau yav tom ntej. Tab sis nws lees tias : “Tsim yog uas txiv neej thiab poj niam, thiab cov me nyuam txhua tus muaj sij hawm los siv lawv lub peev xwm.”

Tswv Qhia Caccia zaj tswv yim, tab tom ncaj rau lub Leej Haum Kuj txwm 30 xyoo ntawm kev sib sab laj cov teb chaws hais txog pej xeem thiab kev txhim kho (ICPD) nyob tuam ceeb Cairo. Lub hom phiaj ntawm kev sab laj yog hais txog daws kho teeb meem pej xeem thiab kev txhim kho. Lub rooj sab laj nyob Cairo yog tsa nyob hauv xyoo 1994. Tswv Qhia cav tias : kev ntxim siab ntawm ICPD nqaim zuj zus nyob hauv ob peb xyoos dhau los no. Vim lawv txhib hais txog kev tiv thaiv tsis pub yug me nyuam thiab kev nchuav me nyuam, kom tau daws teeb meem kev pluag txom nyem.