Tsov rog nyob Iran thiab As Xias me : kev ntsia ntawm lwm cov teb chaws nyob As Xias
Kev sib ntaus sib tua ntawm His Xas Lais thiab As Mes Lis Kas yog pib ua ntej hnub Purim, uas yog hnub nco txog cov Hais Nkws Tos khiav dim. Thiab cov tub rog Iran tau tua As Mes Lis Kas ib lub yeej tub rog nyob hauv xeev ntuj. Ua rau ib tug neeg As Xias raug tua tuag. Nws yog ib tug neeg Pas Kis Taas uas ua hauj lwm nyob Abu Dhabi. Nyob Is Ntias teb, mas cov nom tiv tseem hwv tau xyav moo txog yawg Modi uas nws nyuam qhuav rov ntawm His Xas Lais teb los. Prabowo uas nyob Is Ntos Nes Xias teb, nws yog tus cog lus tias yuav xa tub rog mus nyob GAZA. Nws thov ua tus daws cov teeb meem no. Suav tab tom xav txog cov teeb meem yuav tshwm sim.
Qhov kawg kev sib tua rog loj uas His Xas Lais thiab As Mes Lis Kas tua Iran teb tau tshwsm sim lawm. Yog hnub uas yog lub Cim tshwj xeeb ntawm cov Hais Nkws Tos nyob thoob ntiaj teb ua ntej hnub Purim. Yog kev nco txog cov Hais Nkws Tos dim ntawm tus vaj Paws Xias txoj kev phem, raws li piav nyob hauv phau ntawv Es Thes, hauv Ntawv Ntshiab Torah. Thiab lwm lub nroog nyob Iran raug tua hnyav kawg, uas lub hom phiaj yog xav kom hloov pauv kev kav teb chaws.
Iran tau pib tiv nrog cov tub rog His Xas Lais thiab cov tub rog As Mes Lis Kas tam sid. Lawv tua hoob pob hluav taws thiab siv Drone tua His Xas Lais, tab sis feem ntau raug thaiv tau tas. Cov teb chaws nyob As Xias me uas muaj As Mes Lis Kas cov yeej tub rog, mas yog lub hom phiaj ntawm kev sib tua zaum no.
