Tseem hwv Zis Pees txoj cai tshiab hais txog cov neeg nkag teb chaws nruj heev, nws yog kev xav ua ntej los lawm

Tseem hwv Zis Pees kev daws kho txoj cai ntawm cov neeg nkag teb chaws tsis ntev los no, nws txwv cov sij hawm cov neeg txawv teb chaws kev thov nyob hauv lub teb chaws thiab yog kauj ruam tseem ceeb ntawm kev daws kho cov neeg thov nyob Zis Pees teb. Raws txoj cai kav cov neeg nkag teb chaws thiab cov thov ntawv nyob uas daws kho, mas cov neeg thov ntaub ntawv nyob Zis Pees teb txij 3 zaug rov saud, yog tias nws tsis muaj qhov tsim nyog kheev nyob nws yuav raug xa rov qab.

Kev hloov ntawm txoj cai qub ua ntej no, yog ua los tiv thaiv cov neeg yuav raug ntiab uas lawv tab tom thov ntaub ntawv nyob, thiab kho txoj cai kom zoo dua qub hais txog kev soj ntsuam cov neeg nkag Zis Pees teb. Txoj cai tshiab no qhov zoo yog tiv thaiv cov neeg txhaum cai uas xav khiav mus nyob Zis Pees teb, kom txhob nkag mus tau. Paub zoo tias muaj coob leej siv kev ua ntaub ntawv li no kom tau nyob Zis Pees teb ntau zaus, thiab laug lub sij hawm raug xa rov qab kom tau nyob Zis Pees teb