Tsaib no muaj cov me nyuam kawm ntawv 5,000 tawm leej, tawm tsis kawm ntawv nyob hauv lub xeev Bokeo.
Tsaib no muaj cov me nyuam kawm ntawv 5,000 tawm leej, tawm tsis kawm ntawv nyob hauv lub xeev Bokeo.
Lub pwm tsav fab kev kawm txuj nyob hauv lub xeev Bokeo uas nyob Los Tsuas qaum teb, nthuav tawm hais txog kev kawm ntawv tau txaus poob siab kawg. Cov teeb meem hauv lub caij ntuj sov tsis yog yam tshiab, nws yeej ib txwm muaj los. Tus thawj pwm tsav Los Tsua tau ceeb toom ntau yam kev ntsuas txog cov teeb meem uas cov me nyuam kawv ntawv tawm tsis kawm ntawv. Kev sau npe kawm ntawv nyob hauv cov tsev kawm txheej siab kuj tsawg dua qub. Tsawg dua thaum tus kab mob COVID-19 tsis tau tshwm sim. Haub lub xeev Bokeo uas nyob Los Tsuas qaum teb, muaj cov me nyuam kawv ntawv tshaj 5,000 leej tawm nyob hauv lb xyoo kawm ntawv 2023-2024.
Kev tshaj tawm fab kev kawm txuj hauv lub xeev tshaj tias : muaj cov me nyuam kawm ntawv qib qis thiab txheej nrab 2,772 leeg tawm tsis kawm ntawv nyob hauv tsaib no. Thiab xyoo 2024 no kuj muaj 3,009 tawm thiab. Muab xam ua ke yog 5,781 leeg. Hos cov me nyuam tuaj sau npe kawm ntawv nyob hauv xyoo no kuj tsawg dua tsaib no lawm 654 leej.
Tus zauv no liam txog kev kawm ntau yam, xws li tsev kawm ntawv nyob deb, tsis muaj tsev txaus cov me nyuam kawm ntawv kev deb nyob, tsis muaj xib hwb txawj ntse txaus nyob pem toj siab, kev txom nyem nyiaj txiag ntawm cov ua niam ua txiv, ces cov me nyuam kawm ntawv yuav tsum tau tso tseg kev kawm, kom lawv tau los pab niam pab txiv. Thiab qhov kawg yog qhov tias : kev kawm tsis muaj txiaj ntsim qab hau, vim kawm tag tsis muaj hauj lwm ua.
