Tos Kis Yaus tuav tes nrog cov pab pawg ntseeg, kom tau nthuav dav tej chaw nyob thaum muaj kev kub ntxhov ceev

Cov tseem hwv nyob Tos Kis Yaus (Toyko), tau sib cog lus nrog lub Koom Haum kev teev hawm nyob Tokyo, kom tau kev txhawb nqa thaum muaj teeb meem kub ntxhov tshwm sim, thiab siv tej chaw hauv cov tsev teev hawm ua chaw tos txais cov neeg tsis muaj chaw nyob. 

Kev sib cog lus no yog ua nyob hauv hnub tim 28 lub 4 hlis, tau hais txog kev siv cov tsev teev Ntuj thiab tej chaw hauv cov kev teev hawm kws yees 4,000 qhov chaw nyob thoob hauv lub nroog. Kom tau ua chaw nyob rau cov neeg uas lawv rov mus tsev tsis tau, thaum muaj xwm txheej tshwm sim. Tus thawj tswj lub xeev Tokyo hu ua Yuriko Koike tau ntsib cov sawv cev ntawm lub Koom Haum kev teev hawm nyob Tokyo, hauv cov tseem hwv Tokyo lub tuam tsev, kom tau qhov meej tseeb txog kev sib koom tes tos txais kev kub ntxhov uas yuav tshwm sim.

Cov hauj lwm no, puav leej yog hais txog qhib cov qhov dej hauv cov tsev teev hawm tej chaw thiab nrhiab chaw nres tsheb thaum muaj xwm txheej tshwm sim.

Keishin Inaba tus xib hwb ntawm Graduate School of Humanities, nyob hauv lub tsev kawm txheej siab Os Xas Kas kuj kom sau npe nrog thiab. 

Nws tau hais txog qhov tseem ceeb ntawm kev sib cog lus no tias : 

“Nov yog kev sib cog lus thawj zaug nrog cov nom hauv lub xeev thiab lub Koom Haum kev teev hawm nyob Zis Pees teb. Vam thiab cia siab tias yuav yog tus piv txwv zoo rau kev pib, hauv tej yam zoo ib yam rau yav tom ntej.”