Tom qab 50 xyoo, mas pom ib lub qhov ntxa loj faus cov tub rog Khas Phus Chas 800 tawm leej

Hnub tim 5 lub 8 hli tas los, lub tsev vas ASIANEWS tshaj tawm tias lub 5 hlis tas los ntawd, muaj tshawb pom cov neeg tuag yuav luag 800 leej nyob hauv lub pov txwv Los Dus Os (Romduol), lub zos Tas Khas Maus (Ta Khmau) hauv lub xeev Kaas Ntas (Kandal).

Lub pwm tsav kab lis kev cai thiab lub pwm tsav cheb ntxuav tua neeg Tuol Sleng thiaj xa neeg mus hlib cov neeg tuag ntawd tawm los. Cov neeg Khas Phus Chas 1 plhom 700 txhiab leej tau tuag nyob hauv ntsuj tsov nrog koom tshaj liab txij xyoo 1975 txog 1979. Yog los ntawm kev tuag tshaib, kev ua hauj lwm hnyav, kev mob nkeeg thiab raug lub txim tuag. 50 xyoo tom qab, tseem pheej nrhiav pom cov neeg tuag lub caij ntawd tsis tseg. 

Yawg Sarim hais tias kev hlib cov neeg tuag ntawd, yog khaws txhua yam thiab khaws pov thawj hauv tej liv xwm nrog rau cov pob txha neeg tuag, khaub ncaws thiab tej yam cov neeg tuag siv hauv lub caij cov koom tshaj liab.

Cov neeg tuag uas hlib tau los, mas lawv muab tso nyob hauv ib lub tsev teev hawm Phus Thas hauv zej zog. Ua ntej yuav xa mus rau lub tsev khaws txhua yam Tuol Sleng nyob Phnom Penh khaws tseg, kom tau ceev tseg thiab ua tej ntaub ntawv txheeb npe neeg ntxiv mus.