Thov kom tso 15 tus tub nkoj Fis Lis Pees uas raug cov tub rog Is Laas ntes
Cov tug zog nyob hauv 2 lub nkoj thauj toob xib uas raug ntes nyob hauv ntu dej hiav txwv nqaim Hormuz. Cov tub zog nyob thoob ntiaj teb tau koom nrog tseem hwv Fis Lis Pees thiab lub Koom Haum saib xyuas tib neeg kev ncaj ncees, taij thov kom tso 15 tug tub zog Fis Lis Pees uas raug cov tub rog Is Laas ntes, vim kev tsis sib haum xeeb nyob As Xias nrab.
Edwin dela Cruz tus kws lij choj thiab yog tus thawj tswj ntawm cov tub zog hauv txhua lub teb chaws los yog ISAC, tau thov kom cov tub rog Is Laas txhob tsim txom 15 tus tub zog Fis Lis Pees uas lawv nyob hauv 2 lub nkoj thauj toob xib uas raug khuav tseg. 2 lub nkoj ntawd tab tom khiav tawm ntawm ntu dej hiav txwv nqaim Hormuz. ISAC ua cov hauj lwm tseem ceeb uas pab hais cai, muab kev tuav xam thiab fab kev txawj ntse uas txhawb nqa cov tub zog hauv hiav txwv kom lawv tau zoo nyob. Dela Cruz tseem thov As Mes Lis Kas tus Txoov Tim Tswv, kom tso tseg kev vij Is Laas lub hiav txwv thiab. Nws hais tias cov pej xeem dawb huv ntau pua leej poob nyob hauv kev sib ntaus sib tua, vim kev chawj chim uas tshwm sim nyob hauv xeev ntuj As Xias nrab.
