Thaib teb raug qhuas txog kev tso cai rau cov neeg thoj nam Mias Mas tau kev ua hauj lwm
Cov tseem hwv Thaib npaj siab ua ntawv tso cai ua hauj lwm rau cov neeg thoj nam Mias Mas ntau txhiab leej, uas lawv nyob hauv cov yeej thoj nam raws ciam teb.
Kev txiav txim siab zaum no, tau txais kev zoo siab thiab qhuas los ntawm lub Leej Haum Kuj los yog UNHCR. Yog kev txuag txoj cai thiab kev ua zoo ntawm cov tseem hwv Thaib rau cov neeg thoj nam Mias Mas 80,000 leej uas nyob Thaib teb. Muaj qee leej lawv tau nyob Thaib teb 40 tawm xyoo. Cov uas lawv lub hnub nyoog tab tom muaj zog ua hauj lwm yog 42,601 leej. Xav tias kev txiav txim siab no yuav pab daws teeb meem ntawm cov tub zog hla teb chaws, uas yog cov neeg khiav kev kub ntxhov nyob Khas Phus Chas thiab Thaib ciam teb. Tam sim no muaj cov neeg Khas Phus Chas 520,000 leej, ua hauj lwm nyob Thaib teb. Yog 12 feem pua ntawm tas tsoom tub zog txawv teb chaws. Lawv xub ua hauj lwm nyob Thaib teb ua ntej yuav muaj kev sib tua rog ntawm ciam teb lawm.
