Tej kev xav uas hais tias ‘txiv neej tsis tsim nyog quaj’, ua kev kub ntxhov loj kawg nyob Nyab Laj teb

Kev ua tawm ntawm cov txiv neej, yog qhov tsis muaj zog nyob hauv cov neeg Nyab Laj. Ntau xyoo uas Nguyen Son muab siab rau ua ib tug txiv thiab ib leeg txiv zoo. Nws ua hauj lwm hnyav, kom tau yug tsev neeg daws kev txom nyem. Yog qhov uas cov txiv neej Nyab Laj feem coob ua kam. Son yog tus tub zog lav txhim vaj txhim tsev me me nyob hauv lub nroog Hue, uas nyob nruab nrab hauv Nyab Laj teb. Nws xav tias kev npo thiab uv yog qhov tseem ceeb hauv lub neej thiab yog qhov nws coj rawv. Tab sis txoj kev xav li ntawd pib piam sij, tom qab nruab nrab hauv Nyab Laj teb raug xwv txheej loj lub 11 hlis tsaib no. Cua daj cua dub tau ua rau cov tswv uas Son txhim lawv tej vaj tse piam tag. Ua rau lawv tso lawv tej vaj tse uas txhim tsis tau tiav pov tseg, ces Son poob hauj lwm tam sid. Tib lub caij ntawd, nws lub cooj kaw thiab yug noog kuj raug dej nyab puas tas. Ua rau nws tshuav tuam txhiab nyiaj nuj nqis 700 plhom doos, los yog 27,000 dos las. Tab sis Son zais tej ntawd cia tsis qhia nws tsev neeg paub. Son hais tias : “Tab txawm kuv tu siab heev, tsis kav kuv kuj tsis qhia leej twg thiab kuv dag lawv txog kuv tej hauj lwm.” Son nyob ntsiag to, pw tsis tsaug zog thiab npau taws sai. Nws lees thiab qhia txhua yam rau nws poj niam tias : “Nws tu siab thiab txaj muag kawg.” Lub 12 hlis tsaib no pom tias nws zaum ib leeg nyob hauv tshav puam lub loog, thiab nws hais lus rau tus kheej. Ces lawv thiaj muab nws coj mus rau tsev kho mob, thiab kev soj ntsuam pom tias nws muaj tus kab mob siab uas ua rau siab ntsws tsis tiaj tus. Cov kws kho mob hais tias ; qhov Son ua li ntawd, ua kom pom txog kev kub ntxhov dav kawg. Tab sis feem coob cov txiv neej Nyab Laj zais cia. Tshwj xeeb tshaj yog cov muaj kev saib xyuas zoo thiab ntseeg tias ; kev nyob ntsiag to thiab ua tiag uv yog qhov tseeb ntawm cov txiv neej.