RVA qhov paj tshab sib tw ua yeeb yaj duab luv luv. Yog zaj yeeb yaj duab Nepal uas hais txog kev tshawb nrhiav ntiaj teb lub qhov txhab

Tus yeej kev sib tw ua yeeb yaj duab luv luv ntawm RVA, raug tshaj tawm hnub tim 11 lub 1 hlis no. Tas cov yeeb yaj duab luv luv muaj 80 zaj, tab sis tsuas muaj 13 zaj xwb thiaj tau txais paj tshab. Cov lus no yuav hais txog “kev tshawb nrhiav” nyob hauv ib zaj yeeb yaj duab uas tau txais qhov paj tshab tshwj xeeb. 

Zaj yeeb yaj duab no yog tuaj ntawm CINECRACKS nyob Nepal teb tuaj. Yog Surendra Joshi Quest uas nws xav mus deb dua cov yeeb yaj duab luv luv ua tus tsim. Nws ua pa zoo li yog qhov ntsiag to, tab sis yog kev tu siab hauv kev sib tawg, kev mus kev qeeb thiab tsis thaub qab kom dim siav ciaj. 

Nyob hauv 5 feeb hauv kev xav no, nws teeb lo lus nug uas Laudato Si twb tau teeb tseg rau tib neeg lawm. Yog lo lus tias : 

‘Peb yuav ua kom lub ntiaj teb puas tsuaj mus ntev npaum cas, thiab peb puas tseem muaj kev cia siab tias lub ntiaj teb yuav ris peb tau ?’

Quest nyob hauv lub ntiaj teb tom qab tsov rog cheb ntxuav txhua yam nyob ib puag ncig piam sij tas. Sahas yog tus txiv neej uas plam tas txhua yam. Tsuas tshuav ib yam xwb yog nws tseem sawv ntseg ntsees. Qhov ntawd yog kev cia siab, thaum nws paub tias nws tus ntxhais ploj mus lawm. Zaj yeeb yaj duab no ua kom pom txog nws daim ntawv qhuav qhawv, tab sis thaum xav txog lub ntsiab ntawm Laudato Si, mas Quest rais ua cov lus paj lug hais txog kev txhaum ntawm yam muaj txoj sia tib neeg txoj kev txhaum.