Qhov Software tshiab tuaj yeem ntis tau kev tshaj tawm txog kev sib deev ntawm cov me nyuam

ECO ntawm cov niam cov txiv feem ntau, ib qho kev ntxhov siab tshaj yog lawv tej me nyuam lub cev thiab siab ntsws puas rau cov neeg muab lawv deev nyob hauv Online. Muaj kev ntxias dag kom cov me nyuam nkag mus rau kev sib txuas uas txaus ntshai thiab tsis zoo rau lawv lub cev. Cov neeg hla txoj cai no yuav nrog cov me nyuam sib txuas lus nyob hauv Platform Social Media, xws li Facebook thiab Instagran. Ntxias kom lawv ua tej yam kev sib deev uas txhaum cai. Thaum cov niam cov txiv pom  lawv cov me nyuam nyob rawv hauv xov tooj. Lawv kheev kheev ntsib kev tiv los yog ua yeeb ncuab. Qhov ntawd yog qhov pib ntawm niam txiv thiab me nyuam txoj kev sib tawg. SafeTonNet lub Koom Haum nyab xeeb hauv Cyber, tau txhim kho thiab sim qhov Software uas yog ua los ntawm AI. Qhov Software no tuaj yeem tso tau nyob hauv hlwb hlau los yog hauv xov tooj. Nws yuav ntes thiab tiv thaiv hais txog kev sib deev ntawm cov me nyuam nyob hauv Online tau. Nws tsis xaiv tias tuaj qhov twg tuaj, nrog rau tus neeg los yog qhov Platform Social Media. 

SafeToNet qhia tias qhov Software no tsis tau kaw los tsis khaws tej ntawv soj ntsuam, los tsis qhia txog tus neeg siv. Software txoj hauj lwm yog tiv thaiv tej yam tsis zoo, kom cov me nyuam txhob nkag mus txog hauv Online.