Pab neeg thov kev ncaj ncees tsis txaus siab rau cov txim uas ntxias neeg hauv kev tseev tsim ntawm cov tub ua hauj lwm taij kev ncaj ncees
Human Rights Watch (HRW) hais tias : lub txim uas hais no tshwm sim rau cov neeg uas thuam tseem hwv txoj cai. Lub Koom Haum tib neeg kev ncaj ncees nyob ntiaj teb liam tias : tseem hwv Khas Phus Chas liam txim rau 10 tus tub tseev tsim uas lawv nrhiav kev ncaj ncees rau txhua yam nyob ib puag ncig. Thiab txiav txim rau lawv, vim yog xav kaw lawv cov qhov ncauj uas thuam tseem hwv txoj cai.
Human Rights Watch (HRW) uas muaj qhov chaw loj nyob New York, lawv thuam kev txiav txim rau cov tub nrhiav kev ncaj ncees txuag xyoob ntoo, uas lawv yog pab neeg txuag txhua yam nyob ib puag ncig nyob Khas Phus Chas teb. Lawv yog cov tub ntxhais hluas thiab tau txais paj tshab nyob hauv cov Website hnub tim 16 lub 6 hlis no. Bryony Lau uas nws yog tus thawj tswj xeev ntuj As Xias ntawm HRW hais tias : Khas Phus Chas tus thawj pwm tsav Hun Manet, yog taug nws txiv thiab tus qub thawj pwm tsav Hun Sen tus neev taw.
Ces Yim Leanghy, Sun Ratha thiab Alejandro Gonzalez-Davidson, lawv thiaj raug liam txim tias thuam tseem hwv txoj cai. Thiab koom tes nyiag tsim kev kub ntxhov hauv txoj cai qib 437 thiab 453 uas yog tseem hwv Khas Phus Chas txoj cai kav teb chaws. Cov tub nrhiav kev ncaj ncees lawv yuav raug kaw nkuaj 10 xyoo, yog tias soj ntsuam los thiab lawv tau ua txhaum tiag. Cov tseem hwv tau txwv tsis pub cov neeg txhawb nqa pab neeg no thiab cov tub xov xwm nkag mus cuam tshuam txog kev soj ntsuam lawv lub txim zaum no. Qhov no thiaj ua rau 5 tug tub nrhiav kev ncaj ncees lawv tsis kam nce tsev txiav txim kom tau soj ntsuam txog lawv lub txim txhaum.
