Ob tug tub xov xwm Khas Phus Chas raug kaw nkuaj 14 xyoos, nkawd raug liam tias ntxeev siab. Nkawd cov kwv tij cev ntaub ntawv rov hais plaub
Lub Koom haum ntawv xov xwm Khas Phus Chas (CJA) hais tias : “Qhov uas lub tsev txiav txim muab Phorn Sopheap thiab Pheap Pheara nkawd kaw nyob hauv lub xeev Siem Reap, nyuam qhuav raug nthuav tawm lub lis piam no. Tom qab cov tub xov xwm pom tias ; nkawd cov kwv tij tau cev tej ntaub ntawv rov hais plaub dua.”
Ob tug tub xov xwm ua hauj lwm rau lub Koom Haum xov xwm zej zog TSP 68 TV Online thiab nkawd raug liam txim lub 9 hlis tsaib no tias : “Tso tawm tej xov xwm rhuav tshem tseem hwv kev ruaj ntseg hauv lub teb chaws.” Yog lub caij uas Khas Phus Chas teb thiab Thaib teb tab tom sib hais haum txog kev sib ntaus rog nyob raws ciam teb. Kev muab xov xwm rau neeg txawv teb chaws, lub txim txhaum yog ntxeev siab thiab yuav raug kaw nkuaj 7 xyoo txog 15 xyoos.
Tseem hwv Khas Phus Chas tau ntes cov neeg tiv lawv ntau pua leej nyob hauv 10 tawm xyoo dhau los, tab sis kev tshaj tawm txog lawv tshwj xeeb tshaj yog cov thaj tsam nyob deb nroog pom tias nyuab kawg. Vim kev kaw xov xwm hauv zej zog thiab kev khiav ntawm cov tub xov pej kum lub sij hawm ntawd. Txij lub hauv xyoo 2026 los, cov tub xov xwm fab kev teev hawm, cov tub tseev tsim tiv tseem hwv thiab tsoom pej xeem nyias ntsib nyias kev nyuab hauv kev tseev tsim, tom qab muaj kev xyav moo txog cov tseem hwv nyob hauv Online.
