Nes Pas nyob hauv lub sij hawm tseem ceeb. Cov Tswv Qhia ceeb toom txog kev tawm tsam uas yog cov tub ntxhais hluas ua tus coj
Kev tawm tsam kev nyiag noj nyiaj thiab kev tawm tsam ntiab tus thawj pwm tsav Sharma Oli kom tawm mus. Cov saib txog tej xwm no hais tias yog ib qho kev kub ntxhov phem kawg nyob hauv Nes Pas kev tseev tsim ntau xyoo tag los.
Txiv Plig Silas Bogati uas yog tus Tswv Qhia nyob Nes Pas hais tias : “Kuv pom tib neeg coob coob nyob ntawm tej kev. Muaj cov tub kawm uas lawv yog cov tub ntxhais hluas tuaj sib sau tawm tsam kev nyiag noj nyiaj thiab kev tseev tsim uas xav nrhiav txiaj ntsim qab hau rau tus kheej.”
Txiv Plig hais tias cov tub ntxhais hluas Nes Pas, “lawv tag kev cia siab thiab piam sij rau cov neeg muaj hwj chim.” Nws hais ntxiv tias qhov kev tag kev cia siab ntawd, ua kom muaj kev chim thiab ua ntxhov quav niab. Yog tom qab cov tub ntxhais hluas ib tug phooj ywg raug tub ceev xwm tua tuag. Kev tawm tsam ua rau neeg tuag 2 leeg thiab raug mob 300 tawm leej. Txij li thaum cov tub rog saib xyuas kev ruaj ntseg pib tua nyob hauv hnub tim 8 lub 9 hlis 2025 no los. Cov tseem hwv lub tuam tsev kuj raug hlawv.
