Lub rooj sab laj loj ntawm koom tshaj Nyab Laj, tshwm sim thaum muaj kev kub ntxhov hauv kev ntseeg siab ntsiag to
Ob peb xyoos dhau los, Nyab Laj teb raug cov teeb meem uas ntsia tsis pom, thiab nws kuj nyuab kawg yog tsis quav ntsej txog. Qhov ntawd yog teeb meem kev ntseeg siab ntawm tsoom pej xeem uas nyob ntsiag to. Nov tsis yog teeb meem ua tawm hauv kev tawm tsam los yog kev sib tawg hauv kev tseev tsim uas nthuav dav. Tab sis yog ua tawm nyob hauv kev ua xyem xyav, kev dhuav thiab kev sib nrug txhab ntxiv tuaj ntawm tsoom pej xeem. Muaj ntau rooj plaub ntug hais txog kev nyiag noj nyiaj, kev lag luam tsis ncaj ncees, kev hla txoj cai fab txhiam xws noj, teeb meem fab kev kawm thiab tej lus nug hais txog qhov dawb huv hauv kev pab thiab kev nqis peev ntawm tseem hwv. Tej no tau ua kev xav nyob hauv tsoom pej xeem lub tswv yim. Tsoom pej xeem feem coob muaj tej lo lus nug uas yooj yim, tab sis yog qhov tseeb tias tej kev cai no puas ua hauj lwm pab pej xeem tiag tiag los tsis ua?
Nov yog yam uas tshwm sim nyob hauv lub rooj sab laj ntawm tseem hwv koom tshaj Nyab Laj. Raws txoj cai, kev sab laj loj ntawm cov nom yog qhov tseem ceeb tshaj ntawm Nyab Laj kev tseev tsim. Nws yog qhov teeb tseg rau cov thawj coj thiab txoj cai qhia kev rau xyoo txuas ntxiv. Tiam sis niaj hnub no, nws lub ntsiab lus nthuav dav tshaj qhov ua raws li txoj cai. Hais txog coob coob leej, mas kev sib sab laj no yog lub sij hawm yuav tau pom tias kev tseev tsim puas daws kho tus kheej tau los tsis tau? Tej kev cia siab no yuav luag tsis raug hais tawm los. Tiag tiag mas yuav taij thov kev pauv ntxeev, vim ib tsoom neeg tab tom ntsia ntsoov yam ceev faj kawg.
