Lub Leej Haum Kuj tsis txaus siab rau Nyab Laj txoj kev hla tib neeg kev ncaj ncees thiab ua tsis ncaj ncees rau haiv neeg Montagnard

Lub Leej Haum Kuj tshaj tias kev txiav txim rau cov neeg Montagnard 100 leej, nws tsis ncaj ncees thiab tsis ua raws txoj cai, vim muaj kev liam, kev tsim txom thiab ua tsis ncaj. Tsis tas li ntawd, yuav muaj kev txiav txim hais txog cov tub xov xwm thiab. Ntawm cov tseem hwv, mas lawv tsis tawm suab dab tsi.

Nyob hauv tsab ntawv uas xa mus rau Hanoi hnub tim 14 lub 6 hli tag los, nyuam qhuav raug nthuav tawm rau ib zeej tsoom tsis pes tsawg hnub dhau los no xwb. 

Lub Leej Haum Kuj cov neeg thiaj txhawj xeeb txog kev txiav txim rau 100 tus neeg Montagnard hauv lub 1 hlis xyoo no. Ua kom pom tias muaj kev hla tib neeg kev ncaj ncees tseeb kawg. Raws qhov tseeb, mas kev txiav txim no yuav tsum mus raws li ntiaj teb kev txiav txim hais txog kev ncaj ncees thiab sib luag.

Tseem muaj kev liam tias lawv nyiag tsim kev kub ntxhov. Cov neeg kaw nkuaj tuag yam tsis paub tias vim li cas thiab txwv kev ywj pheej hauv kev muaj feem cuam thiab cov tub xov xwm. Tseem muaj kev ua tsis ncaj ncees rau cov haiv neeg Montagnard thiab cov haiv neeg tsawg txoj kev teev hawm. Tshwj xeeb tshaj yog haiv neeg Montagnard. Yog lo lus uas ib tug neeg Fab Kis xav muab los piav txog cov haiv neeg tsawg li ntawm 30 pab neeg nyob toj siab hauv nruab nrab Nyab Laj teb.