Lub Cim ntawm kev tsuj xeeb yog xyoo tsim koob hmoov. Kev tsim koob hmoov. The signs of the Jubilee

Lub Cim ntawm kev tsuj xeeb yog xyoo tsim koob hmoov.

Kev tsim koob hmoov. The signs of the Jubilee

Kev tsuj xeeb lub xyoo ntawm kev tsim koob hmoov, yog lub caij uas peb tawm mus kev thiab hla nrim teb. Thaum  peb tawm mus kev, tsis yog tias peb hloov chaw xwb, pab tseem hloov tus kheej thiab. Li ntawd, kev npaj, kev xav txog txoj kev thiab paub txog lub hom phiaj thiaj yog qhov tseem ceeb heev. Kev tsim koob hmoov yog lub Cim hauv xyoo no, ces thiaj xub pib ua ntej yuav mus kev. Xub pib yog kev txiav txim siab ua ntej yuav tawm rooj mus tsim koob hmoov.

Nyob hauv Ntawv Ntshiab, Has Nplas Has raug piav tias yog tus neeg mus kev. “Tso koj lub teb chaws tseg, tso koj tsev neeg, koj tej txheeb ze thiab koj txiv lub vaj tse tseg.” Nws pib taug txoj kev nyuab nrog cov lus no thiab xaus rau thaj av cog lus. Nws thiaj nco ntsoov tias nws yog ib tus neeg As Las Mais nyob tsis ruaj chaw. Tab txawm yog Yes Xus cov hauj lwm, kuj raug hu ua kev mus kev uas pib nyob hauv lub xeev Nkas Lis Lais mus txog Yes Lus Xas Les.

Yes Xus hu nws cov Thwj Tim kom nrog nws mus txoj kev no. Thiab niaj hnub no cov neeg ntseeg kuj tseem yog cov raws Yes Xus. Kev mus kev maj mam tshwm sim ib ntu zuj zus thiab muaj ntau txoj kev xaiv taug. Txhua qhov chaw ua kom ntsib ntau yam xwv txheej nyob hauv kev qhia kev ntseeg, cov kab ke thiab cov phooj ywg nrog nws mus tau txais kev paub ntau yam tshiab tshiab.

Kev ua tib zoo xav txog kev txhim kho kuj yog ib feem ntawm kev mus kev thiab pab kom peb paub saib xyuas thiab muab siab rau. Yog kev ua tawm ntawm kev ntseeg nyob hauv Tswv Ntuj thiab ua raws Tswv Ntuj lub hom phiaj.

Vaj Qhia tsab ntawv hais txog xyoo ntshiab huv 2025, kev tsim koob hmoov yog kev paub ntawm kev hloov siab tig los ntseeg. Kev pauv ntxeev hauv peb lub neej kom mus txog qhov chaw ntshiab ntawm Tswv Ntuj, nyob hauv tej kev tsim koob hmoov no. Peb thiaj tau saj tib neeg cov hauj lwm uas yog ib feem ntawm kev tawm rooj mus kev, kom tau nrhiav lub ntiaj teb uas zoo dua rau peb thiab tsev neeg.

Lub qhov rooj ntshiab.

Ib qhov piv txwv ntawm kev pom, lub qhov rooj ntshiab muaj ib lub ntsiab lus. Qhov ntawd yog lub Cim uas tseeb kawg, yog kev tuaj yeem hla tau lub qhov rooj. Qhov uas Vaj Qhia qhib lub qhov rooj no, yog kev pib ntawm lub xyoo ntshiab huv yam raug cai. Yav tag los lub tsev teev Ntuj hwm Leej Ntshiab Zam Teran muaj ib lub qhov rooj thiab yog lub tsev teev Ntuj ntawm tus Tswv Qhia nyob Los Mas. Kom tau pub cov neeg coob coob tuaj tsim koob hmoov nyob hauv, thiab lwm lub tsev teev Ntuj nyob Los Mas kuj pub lub sij hawm zoo tib yam.

Hauv kev hla lub qhov rooj no, tus neeg tsim koob hmoov yuav nco txog cov lus nyob hauv Zam ntawv Moo Zoo zaj 10 tias : “Kuv yog lub qhov rooj, tus twg nkag ntawm kuv mus, nws yuav txais kev cawm. Nws yuav nkag tau rau hauv thiab tawm tau rov los. Nws yuav nrhiav tau lub tshav zaub.” Lo lus no yog qhia txog kev txiav txim siab raws Yes Xus qab, vim Yes Xus yog tus Zoo Tswv Zov Yaj.

Dhau no lawm, lub qhov rooj tseem yog qhov chaw coj peb mus hauv tsev teev Ntuj thiab. Ntawm cov neeg ntseeg tsis yog tias yog qhov chaw ntshiab xwb, nws tseem yog qhov chaw hwm, qhov chaw coj tus cuj pwm thiab hnav khaub ncaws kom zoo. Kuj yog lub Cim ntawm lub Cim Yug khi cov neeg ntseeg nrog Yes Xus. Yog qhov chaw sib ntsib thiab sib tham, yog qhov chaw sib haum xeeb thiab ywj pheej uas nyob tos cov neeg tsim koob hmoov yuav tuaj. Yog qhov chaw ntawm lub Koom Txoos rau cov neeg ntseeg nyob Los Mas. Tej kev ua li no yog nco txog kev cim cia ntawm Leej Ntshiab Pob Zeb thiab Leej Ntshiab Paj Lug. Tus Thwj Tim txhim thiab tsa pawg ntseeg nyob Los Mas. Vim nkawd cov lus qhuab qhia thiab tus piv txwv, nkawd thiaj yog lub Cim ntawm lub Koom Txoos nyob thoob ntiaj teb. Nkawd ob lub ntxa yog nyob ntawd. Yog qhov chaw nkawd raug tua nrog cov ntxa hauv qab npoo av. Yog qhov chaw txhawb siab ua ntu zus los.

Kev ua zoo.

Kev ua zoo yog lub Cim tseem ceeb ntawm lub neej ua neeg ntseeg. Tsis muaj leej twg xav tias kev tsim koob hmoov, kev tsuj xeeb thiab kev zam txim txhaum nyob hauv lub caij tsuj xeeb yuav raug teeb tseg nyob hauv cov kab ke xwb. Yog tsis paub tias lub neej ntawm kev ua zoo xwb, thiaj ua rau cov hauj lwm no muaj txiaj ntsim qab hau tiag. Kev ua zoo yog thawj yam ntawm cov neeg ntseeg txoj kev ntseeg thiab yog qhov txaus lwm tus ntseeg. Peb txhob hnov qab Pob Zeb tej lus tias :   

“Nej yuav sib nyiam sib hlub zoo, vim txoj kev nyiam thaiv ntau yam txhaum.” 

Raws li Zam ntawv Moo Zoo hais, kev hlub tej txheeb ze tsis yog tuaj ntawm neeg tuaj, tab sis yog tuaj ntawm Tswv Ntuj tuaj. Nws yuav ua rau peb tuaj yeem paub txog Yes Xus tus Thwj Tim tseeb tiag rau yav tom ntej. Peb yuav pom tseeb tias tsis muaj ib tus neeg ntseeg twg muaj cuab kav hais tias nws ntseeg yam nws tsis nyiam.

Paj Lug hais tias : kev ntseeg thiab kev nyiam kev hlub yog tus cag hauv kev ntseeg. Kev nyiam kev hlub ua kom muaj qhov zoo txhij zoo txhua.

Kev nyiam kev hlub thiaj yog qhov tseeb hauv lub neej ua neeg ntseeg. Hauv xyoo ntshiab huv, cov neeg ntseeg uas ua tim khawv yuav tau txais kev zeem tseeb tias lawv yog tus yam ntxwv ntawm kev tig los yuav lub siab tshiab thiab yog qhov ua tawm ntau tshaj plaws.

Kev rov sib haum xeeb.

Xyoo ntshiab huv yog lub Cim ntawm kev rov sib haum xeeb, vim nws yog kev qhib lub sij hawm kom tsim nyog. Nyob hauv peb txoj kev tig los yuav lub siab tshiab, peb tso Tswv Ntuj nyob nruab nrab hauv peb lub neej. Peb txav mus cuag nws thiab paub txog nws qhov zoo. Tswv Ntuj yog tus tsim lub ntuj thiab lub ntiaj teb, nws yuav tau txais kev zeem tseeb tias tseem ceeb tshaj tas txhua yam. Tswv Ntuj yog tus ua kom lub xyoo no ntshiab huv, nws muab nws qhov ntshiab huv los tso rau hauv lub xyoo.

Raws li Vaj Qhia nco ntsoov nyob hauv lo lus txiav lub xyoo ntshiab huv 2015 tias :

“Kev khuv leej tsis tau nrog kev ncaj ncees sib tawg, tab sis qhia txog tus yam ntxwv uas Tswv Ntuj muaj rau cov neeg txhaum. Nws pub lub caij nyoog rau lawv nyob hauv kev tig los yuav lub siab tshiab thiab ntseeg. Kev ncaj ncees ntawm Tswv Ntuj yog kev khuv leej uas muab rau ib zeej tsoom neeg, yog lub txiaj ntsim kev tuag thiab sawv rov los ntawm Yes Xus. Yes Xus tus Ntoo Cuam thiaj yog kev txiav txim ntawm Tswv Ntuj thiab ntiaj teb neeg. Vim Ntoo Cuam muab qhov tseeb hauv kev nyiam kev hlub thiab lub neej tshiab rau peb.” Lub ntsiab yog kev ua lub neej raws lub Cim hauv kev sib haum xeeb. Kev siv lub sij hawm no ua kom muaj txiaj ntsim hauv kev tshawb fawb tib neeg qhov muaj nqis thiab kev rov daws txhaum. Txais cov lus zam txhaum ntawm Tswv Ntuj.

Lub txiaj ntsim ntawm kev tsuj xeeb txwm 100 xyoo.

Lub txiaj ntsim ntawm kev tsuj xeeb txwm 100 xyoo, yog Tswv Ntuj kev khuv leej uas ua tawm raws qhov tseeb. Nws loj dua tib neeg kev ncaj ncees. Lub cuab tam ntawm cov txiaj ntsim no, tau rais ua keeb kwm ntawm Yes Xus thiab cov Leej Ntshiab. Thaum peb saib tus piv txwv no thiab ua lub neej nrog lawv, mas kev tso siab hauv kev daws txhaum thiab tus kheej tau txais lub zog yog qhov tseeb tiag. Lub txiaj ntsim ntawm kev tsuj xeeb txwm 100 xyoo, pab kom tib neeg tuaj yeem daws tso yus lub siab kom dim ntawm kev txhaum tau. Vaj Qhia hais tias : “Tus tsis tuaj yeem tsim koob hmoov, vim nws muaj mob los yog lwm yam. Peb yuav tso kev txom nyem thiab peb lub neej niaj hnub tseg, peb yuav mus koom kev tsuj xeeb lub Cim Yug.

Kev thov Ntuj.

Kev thov Ntuj muaj ntau txoj kev thiab ntau yam, tab sis qhov tiag muaj lub ntsiab xav qhib siab tos txais Tswv Ntuj tuaj nyob hauv peb thiab tos txais kev nyiam kev hlub uas Tswv Ntuj pub rau peb. Cov neeg ntseeg raug hu thiab paub tias lawv tuaj yeem vam txog Tswv Ntuj tau, vim lawv tau txais Leej Ntuj Plig Ntshiab ntawm Leej Tub. Tiag tiag Yes Xus yog tus pub kev thov Ntuj ntawm Leej Txiv rau nws cov Thwj Tim. Muaj lo lus piav nyob hauv lub Koom Txoos Kav Tos Liv cov lus qhia (CCC2759-2865).

Nyob hauv cov neeg ntseeg txoj cai kuj muaj lwm lo lus qhia xws li : zaj Koj Nyob Kaj Lug Mab Liab, uas pab kom peb pom cov lus nrhiav Tswv Ntuj. Leej Ntuj Plig Ntshiab qhia Tswv Ntuj cov me nyuam, kom txawj thov Ntuj nyob hauv yam muaj txoj sia hauv lub Koom Txoos.

Lub caij thov Ntuj uas siv nyob hauv kev mus kev, ua kom pom tias cov tsim koob hmoov muaj Tswv Ntuj lub tswv yim nyob hauv lawv nruab siab. Lawv koom ib lub siab, lawv tuav xam haum. Cov neeg tsim koob hmoov yuav nco tias : ua ntej thiab ntawm tog kev, lwm tus uas tsim koob hmoov lawv tau hla nyob hauv txoj kev ntshiab huv. Lawv tau taug tib txoj kev no, yog txoj kev mus txog Los Mas thiab kheev kheev tsis zoo ib yam li cov Leej Ntshiab txoj.