Lub caij ntuj no txaus txhawj, tsoom pej xeem Is Laas yuav tsawg lawm ib nrab thaum xaus tiam neeg no
Tab txawm muaj kev txhawb nqa los ntawm tsev neeg, tsis kav kev yug me nyuam ntawm cov neeg Is Laas kuj tsawg zuj zus. Thaum txog xyoo 2101 mas tsoom pej xeem Is Laas yuav tsawg lawm ib nrab thiab ib nrab yog cov neeg laus. Lub teb chaws uas muaj cov Islam no, pom tias tsoom pej xeem yuav tsawg sai heev uas yog ib feem ntawm lub ntiaj teb. Tus thawj coj Ali Khamenei’s cov lus taij thov tsis muaj lo lus teb. Tab txawm kev yug los tshiab tsawg zuj zus, tab sis cov tseem hwv kuj muab siab rau txhawb nqa kev yug me nyuam thiab txhawb nqa cov yim neeg. Tsis kav saib zoo li thaum yuav xaus tiam neeg no, mas tsoom pej xeem Is Laas yuav tsawg lawm ib nrab.
Hais txog lwm lub teb chaws nyob Aws Los Pas, As Xias thiab As Fiv Kas, tus pwm tsav fab kev noj qab haus huv Alireza Raisi hais tias tsoom pej xeem yuav tsawg zuj zus thiab yav tom ntej cov neeg laus yuav coob. Xyoo 2101 tsoom pej xeem Is Laas yuav tsawg lawm 50 feem pua thiab ib nrab yog cov neeg laus. Is Laas teb yog lub teb chaws muaj neeg tsawg kawg hauv lub ntiaj teb. Yam li ib tsev neeg 6 leej, mas yuav tsawg lawm 3 leeg nyob hauv ib tiam neeg yog tias tseem zoo li no ntxiv mus. Tus pwm tsav hais tias tsoom pej xeem hauv lub teb chaws yuav tshuav li 42 plhom leej xwb thaum xaus tiam neeg no. Nws pom tias kev pauv ntxeev zaum no yog qhov txaus txhawj kawg, vim tsoom pej xeem Is Laas tam sim no muaj tshaj 87 plhom leej.
