Kev ua nom ntawm To Lam zaum 3 pib lawm. Yog sau lub hwj chim los txhawb nqa kev txhim kho
Tom qab To Lam yeej kev sib tw hauv lub teb chaws hauv kev tiv kev nyiag noj nyiaj, mas tus thawj coj cov nom koom tshaj Nyab Laj tau txhib hais txog kev sau thiab kev hais lus hauv lub rooj sab laj xyoo tom ntej. Xws li cov Technology uas muaj ntau tuaj thiab kev loj hlob hauv kev lag luam hauv megaprojects. Xws li kev tsheb nqaj hlau 67,000 plhom dos las thiab kev pib txhim tsa 2 lub tsev hluav taws xob Nuclear tshiab. Tab sis nws tseem muaj ntau yam txaus txhawj. Tshwj xeeb tshaj yog lub caij Suav thiab As Mes Lis Kas teb sib cav sib ceg. Kev sib sau lub hwj chim nyob Nyab Laj teb uas ua nyob hauv tsaib no, yog ib feem ntawm kev txhawb nqa fab Technology thiab ua kom lub teb chaws cov hauj lwm nyob saum ntiaj teb lub sam thiaj txhab ntxiv.
To Lam uas yog tus thawj coj koom tshaj Nyab Laj (CPV) tshaj cov lus no nyob hauv lub 8 hli tsaib no lawm. Thiab tsis ntev tom qab nws tau ua tus thawj coj thiab nws rov txhib hais txog cov lus ib zaug tsis ntev tag los no. Yog hais txog qhov tseem ceeb hauv lub rooj sab laj pab nom zaum tim 14 uas yuav muaj nyob rau lwm xyoo.
