Kev tshawb fawb tshiab soj ntsuam txog kev tua kab thiab kev pheej hmoo txog tus kab mob cancer hauv lub zais zis ntawm cov neeg Hmoob nyob nruab liaj nruab teb
Cov tub tshawb fawb ntawm lub tsev kawm txheej siab California Davis tau pib cov hauj lwm kev tshawb fawb hauv zej zog, kom tau soj ntsuam txog teeb meem tshuaj tua kab uas ua mob rau lub zais zis, thiab pheej hmoo txog kev mob Cancer ntawm cov neeg Hmoob nyob nruab liaj nruab teb hauv lub xeev California.
Cov hauj lwm hauv xyoo no tau txais kev txhawb nqa los ntawm lub tsev kawm txheej siab California Davis hais txog tus kab mob Cancer, thiab koom ua hauj lwm nrog lub tsev teev Ntuj Church of God nyob Merced. Lub hom phiaj yog ua kev nkag siab txog kev siv tshuaj tua kab nyob hauv cov Hmoob ua liaj ua teb, thiab teeb meem lub cev ntaj ntsug kom zoo tuaj.
Cov hauj lwm no muaj Paramita Ghosh thiab tus kws kho mob hlab zis hu ua Avery Braun ua tus coj. Lub hom phiaj yog taw mus rau cov pej xeem uas ib txwm raug ntsia tsis pom hauv kev soj ntsuam txog tus kab mob Cancer, tab txawm lawv lub cev yuav qaug zog li cas kuj xij. Kev soj ntsuam ua kom pom tias kev txhawj xeeb hauv kev siv tshuaj tua kab thiab qhov yuav muaj mob hauv lub zais zis, ua kom cov kws soj ntsuam muab siab rau hauv kev muaj feem cuam. Cov hauj lwm no yog hais txog kev siv txhua yam tshuaj tua kab, thiab soj ntsuam txog qhov yuav ua teeb meem rau lub zais zis, thiab pom tias kev siv tshuaj ntev mus puas yuav ua Cancer rau lub zais zis los tsis ua.
Hauv lawv kev soj ntsuam thiab kev ua hauj lwm nrog zej zog. Cov tub tshawb fawb vam tias yuav txhim kho kom haum nrog tej kab lis kev cai, kom tau tiv thaiv txog kev pheej hmoo ntawm tus kab mob Cancer thiab daws kho qhov sib txawv hauv kev noj qab haus huv ntawm cov neeg Hmoob nyob nruab liaj nruab teb.
