Kev sib ntaus sib tua ntawm Pas Kis Taas thiab As Kas Nis Taas ciam teb : kev tsis ruaj ntseg nyob Pas Kis Taas teb kub ntxhov dua qub
Kev sib ntaus sib tua ntxhov quav niab raws ciam teb, tau ua rau ob lub teb chaws rov qab muaj kev chim siab loj kawg. Tom qab cov tub rog Pas Kis Taas tua lub nroog Khas Npus, vim kev tiv cov Taliban Pas Kis Taas. Islamabad hais tias cov Taliban tuag 200 leej. Hos Khas Npus tshaj tias cov tub rog Pas Kis Taas tuag 58 leej. As Las Npias Xaus Dis thiab Kas Tas teb, tab tom sib tham kom tso tseg kev sib tua rog. Nyob Pas Kis Taas teb, cov Islamist Tehrik-i-Labbaik Pakistan los yog (TLP) rov qab los tawm tsam dua ib zaug. Ua rau muaj kev sib tua nyob hauv Islamabad thiab Lahore, hauv kev chim siab npau taws heev tuaj. Pas Kis Taas thov kom As Kas Nis Taas rov qab siv tiam lis los sib tham dua. Tom qab kev sib ntaus sib tua muaj ceem ntawm ob lub teb chaws, ua rau ob tog cov tub rog tuag coob kawg.
Kev kub ntxhov rov qab tshwm sim, tom qab Pas Kis Taas tua lawv lub hom phiaj nyob hauv tuam ceeb Kabul thiab Paktika. Lawv lub hom phiaj yog tua cov Taliban Pas Kis Taas. Kev tuag ntawm lawv tseem tsis tau muaj qhov zeem tseeb.
Hauv kev tshaj tawm nag hmo, Pas Kis Taas tus pwm tsav txawv teb chaws hais txog kev cheem tsum hauv kev txuag thiab kev nrog cov Taliban sib tham. Tab txawm muaj kev txhib tub rog txhab ntxiv kuj xij.
