Kev sib cais ntawm cov tub ntxhais hluas hauv lub teb chaws muaj txhab ntxiv

Zim txwv no tsoom pej xeem Zis Pees 17 feem pua xwb, uas muaj ntawv mus kev raug cai. Ua kom pom tias tsis yog nyiaj yees poob nqis xwb, tseem yog kev raug quab yuam kom cov hluas txheej tshiab thaub qab thiab. Yog kev sib cais muaj txhab ntxiv zuj zus. Cov hauj lwm pib ua kom rov muaj kev sib koom tes dua tshiab, nws thiaj tshwm sim nrog cov lus teb hauv kev lag luam thiab cov Technology, tab sis lub cim kev sib raug zoo tseem nyob twj ywm.

Tsis yog tias kev rho tub zog ntawm cov teb chaws uas tab tom nqis xwb, nws yog hais txog kev txaus siab yuav muaj feem cuam hauv kev ua lub neej ntawm zej zog thiab muaj feem cuam nyob lwm qhov chaw. Kev tsis quav ntsej txog lub ntuj sab nraud li hais no, saib zoo li ua kom pom txog qhov qaug zog thiab tag kev cia siab loj kawg. Tshwj xeeb tshaj yog cov tub ntxhais hluas txheej tshiab. Cov neeg ua hauj lwm hauv cov Koom Haum Technology loj, pom tias tus kheej yuav tsum ua hauj lwm dhau sij hawm li ntawm 80 teev nyob hauv ib lub hlis. Tab sis lawv tsuas tau nqi zog ua hauj lwm dhau caij thawj 40 teev xwb. Dua li lwm cov sij hawm, mas xav tias yog ua hauj lwm pub dawb. Tus yam ntxwv no kheev kheev raug hais tawm tias ; yog kev tsis quav ntsej los yog qhov neeg swm lawm. Tab sis qhov tseeb tiag, nws yog kev ua hauj lwm kom haum nrog tej kev lag luam uas tsis muaj qhov ruaj khov.