Kom tau kho lub teb chaws, ces yuav tsum lees txais kev sib haum xeeb ua qhov nruab nrab ntau dua nyob hauv yus li keeb kwm.
Hnub tim 30 lub 4 hlis xyoo 2025, Nyab Laj teb yuav muaj kev tsuj xeeb txwm 50 xyoo ntawm tsov rog Nyab Laj tiaj tus. Txawm tias lub teb chaws yuav nyob thaj yeeb thiab ua ib lub los tau 50 xyoo, tsis kav lub qhov txhab yav tag kuj tseem muaj nyob.
Tsov rog kuj tseem muaj ntxiv, tab sis tsis yog hauv tshav rog. Nws yog nyob hauv lub siab thiab cov neeg Nyab Laj txoj kev xav. Yog qhov txaus tu siab kawg uas cov tub ntxhais hluas tsis tau raug dua tej teeb meem tsov rog, tab sis rub lawv nkag mus koom nrog kev sib tawg uas tseem muaj nyob.
Hauv lub 11 hlis no Page Facebook ntau Page thiab Facebook ntiag tug ntawm leej tib neeg nyob Nyab Laj tau xa tawm los yog Share ib co duab, pom cov tub ntxhais hluas xyaum ua raws thiab tsis hwm tus chij Nyab Laj yav tag los, nyob hauv lub tsev khaws qub txeeg qub tes uas nyuam qhuav qhib tshiab nyob Hanoi.
Kev ua tawm ntawm cov tub ntxhais hluas yog sib puag tes ntawm hauv siab, tsa tus ntiv tes nta los yog muab ntiv tes pos qhov ncauj. Ua ntej no hauv lub 10 hli, Tiktok rais ua kab mob loj kawg. Muaj tej daim duab cov xib hwb thiab cov tub kawm txheej qis thiab txheej nrab nyob Nyab Laj teb, lawv dua tus chij tsos daj pov tseg thiab tsa tus chij Nyab Laj zim txwv no. Yog tus chij tsos liab uas muaj hnub qub tsos kub, qhov lawv ua ntawd yog ua tawm tias lawv nyiam lub teb chaws.
