Kev kawm ua kom pom tias cov neeg As Xias sab hnub tuaj tseem txuag lawv tej kab lis kev cai kom txhob piam sij hauv kev teev hawm
Kev soj ntsuam ntawm Pew tsis ntev los no, ua kom pom tias kev ntseeg thiab kev coj hauv kev teev hawm As Xias sab hnub tuaj thiab Nyab Laj teb, yog cov teb chaws tseem coj raws kev teev hawm qub qub. Kev kawm los yog kev tshawb fawb no tau pib txij lub 6 hlis txog lub 9 hlis xyoo 2023, muaj cov neeg teb cov lus nug coob tshaj 10,000 leej nyob Hooj Koos, Zis Pees, Kos Lim Naj, Thais Vas thiab Nyab Laj.
Nws ua kom pom tias neeg feem coob tsis tau nkag rau cov kev teev hawm yam raug cai, tab sis muaj feem cuam koom nrog tej hauj lwm fab ntsuj plig los ntawm tej kab ke thiab kev ntseeg qub qub hais txog yam muaj txoj sia uas qhov muag ntsia tsis pom.
Tab txawm muaj kev thim kev teev hawm siab, tsis kav cov laus 27 txog 61 feem pua hais tias : lawv tsis muaj kev teev hawm. Kev kawm yog txhib txog cov hauj lwm fab ntsuj pliag uas tseem ceeb. Piv txwv li 70 feem pua ntawm cov sib koom nyob Zis Pees teb thiab 86 feem pua nyob Nyab Laj teb muaj feem cuam txog kev hwm poj yawm txwv koob. Xws li kev pub txhiam xws thiab dej cawv los ua kev hwm lawv cov poj yawm txwv koob.
Fab kev kawm hais tias : tej yam no yog dhau ntawm kev ua nyob hauv kab lis kev cai lawm, tus zaus feem ntau qhia txog kev ntseeg tus tswv los yog yam ntshiab huv. Nyob Thais Vas teb cov laus 64 feem pua teev ntuj los yog teev hawm lawv tus tswv, thiab 30 feem pua hauv lub nroog Hong Davis yog teev hawm niam nkauj kab yeeb thiab tus tswv ntawm kev khuv leej.
