Kev cheb ntxuav cov neeg ntxeev siab ntawm cov tub rog Fis Lis Pees, ua rau cov tub xov xwm thiab cov tub kawm raug tua tuag

Cov neeg taij thov tib neeg kev ncaj ncees, cov tub xov xwm thiab cov tub kawm ntawv tsis txaus siab rau cov tub rog Fis Lis Pees uas tua cov tub xov xwm thiab tus thawj coj cov tub kawm ntawv tuag nyob hauv kev cheb ntxuav cov koom tshaj.

Pab neeg ntxeev siab raug tua tuag 19 leeg hauv kev nrog cov tub rog Fis Lis Pees sib tua hnub tim 20 lub 4 hlis no. Nyob hauv cov neeg raug tua tuag, muaj cov tub xov xwm thiab yawg Alyssa Alano uas yog tus thawj coj cov tub kawm xyaw nrog thiab. NPA yog cov neeg tuav riam phom ntawm cov koom tshaj nyob Fis Lis Pees teb. Yog pab neeg ntxeev siab tiv cov tseem hwv los ntev tshaj plaws nyob ntiaj teb no. Thiab yog pab neeg raug txwv nyob hauv lub teb chaws uas tsoom pej xeem feem coob yog Kav Tos Liv, los ntawm kev ua pab neeg tsim kev kub ntxhov.

Cov lus no yog Altermidya ntawm lub Koom Haum xov xwm thiab kev vam meej hauv lub teb chaws tshaj tawm hnub tim 22 lub 4 hlis tias : “Ledesma raug tua tuag lub caij nws ua hauj lwm nyob hauv zej zog thiab tshaj xov xwm hais txog tsoom pej xeem pluag txom nyem.”