Islamabad txhab hnub nyoog rau cov sib yuav ua 18 xyoo, kom tau txuag cov neeg ntseeg
Cov tsev teev Ntuj nyob hauv lub teb chaws tau taij thov txoj cai no, kom pab daws teeb meem ntawm kev sib yuav hnub nyoog tseem yau, vim kheev kheev ua kom muaj kev nyiag neeg. Qhov kawg, Pas Kis Taas teb thiaj tsa txoj cai txhab hnub nyoog rau kev sib yuav. Yam li cov me tub me ntxhais uas yog neeg ntseeg xav sib yuav, mas lub hnub nyoog yuav tsum muaj 18 xyoo thiaj sib yuav tau. Txoj cai tshiab no yog daws kho txoj cai sib yuav qub nyob hauv xyoo 1872.
Naveed Amir Jeeva tus kws txoj cai hais kom hloov txoj cai no nyob hauv lub pwm tsav Pas Kis Taas, thiab tau txais lus tso cai lawm. Yog ib nqe lus uas cov pwm tsav Pas Kis Taas tab tom ua nyob hauv ob peb lub hlis tag los. Txoj cai no yog ua los hloov txoj cai qub, uas kheev cov me nyuam ntxhais yuav txiv thaum lawv muaj 13 xyoos thiab cov me nyuam tub muaj 16 xyoo. Txoj cai no yog ib txoj cai nyuab uas yuav pab txuag cov me nyuam ntxhais sib yuav thaum tseem yau thiab cov raug quab yuam mos deev. Ces txoj cai tshiab no yuav pab txuag cov me nyuam ntxhais lawv txoj kev raug quab yuam thiab kev hloov siab nyob hauv kev sib yuav. Peb vam tias cov tseem hwv yuav muab siab rau ua ntxiv mus, kom tau muab txim rau cov neeg yuam luag tej kom hloov kev teev hawm. Qhov loj ntawm kev pom zoo, yog tau txais kev pom zoo los ntawm cov tsev teev Ntuj loj nyob Pas Kis Taas teb. Naeem Yousaf Gill hais cov lus no.
