Cov tub zog Is Ntos Nes Xias txoj kev txom nyem uas lawv rov ntawm Mas Les Xias teb, ua rau neeg tuag tsis tseg. Rov muaj dua neeg tuag nyob hauv ntu hiav txwv nqaim Mas Las Kas. Zaum no muaj cov tub zog Is Ntos Nes Xias 10 leej uas pom tias lawv nyob hauv txoj kev pheej hmoo, vim lawv lub nkoj nchuav thaum lawv khiav ntu hla dej hiav txwv nqaim. Tsuas muaj 7 leej xwb uas lawv tau txais kev cawm, cua li lwm cov mas ploj mus lawm. Hais txog cov neeg tuag, mas muaj ib leeg xwb.
Txiv Plig Paulus Polce Halek uas yog tus Txiv Plig ntawm East Nusa Tenggara (NTT), tau txais lub moo no hnub tim 3 lub 8 hli no los ntawm ib yim neeg ntseeg Kav Tos Liv nyob Mas Las Kas, nyob Is Ntos Nes Xias teb.
Muaj ib tug hauv cov neeg pab cawm cov tub zog raug xa rov qab, xws li Leej Phauj Laurentina. Nws yog ib tug neeg muab siab rau nrhiav kev pab uas nto npe nyob hauv lub tshav dav hlau El Tari, hauv lub nroog Kupang. Nws tau ua hauj lwm ntau xyoo los pab txhua yim neeg uas ntsib kev tuag, kom tau cawm tus neeg uas lawv hlub tshua. Leej Phauj Laurentina siv nws li peev xwm thiab nyiaj txiag. Nws hais tias nws yuav muab siab rau ua nws cov hauj lwm ntxiv mus, tab txawm yuav ntsib teeb meem thiab kev kub ntxhov npaum cas kuj xij.
Ntau zaus thaum nws pab cov yim neeg tuag nrhiav lawv cov neeg tuag, mas nyuab kawg. Vim tsis muaj tej ntaub ntawv qhia txog lawv tus kheej txaus. Ces ua rau kev xa neeg rov qab mus lawv teb chaws haj yam ntxhov dua qub.
