Cov tub rog tuav riam phom nyob raws Myanmar ciam teb, rais ua cov tub rog ntxias dag hauv cov cheeb tsam
Cov tub rog tuav riam phom uas yog haiv neeg tsawg nyob raws ciam teb npuas Thaib teb, lawv raug liam tias yog cov ua kom muaj kev nyiag noj nyiag haus nyob hauv Internet, kev nyiag muag neeg, kev quab yuam tub zog, kev tua neeg thiab lwm yam. Thiab lawv tab tom zoo los ntawm tej kev lag luam uas ri mus thoob As Xias. Yog pab neeg nyiam kev ncaj ncees tshaj tawm cov lus no.
Pab neeg nrhiav kev ncaj ncees nyob Myanmar tau qhia meej meej txog kev sib txuas ntawm ntau txoj kev lag luam uas cov tub rog Karen los yog BGF, yog pab tub rog koom nrog tseem hwv uas teeb tsa los ntawm Thaib teb, Mas Les Xias teb thiab lwm qhov chaw. Lawv thov kom txhua pab nom ua cov hauj lwm los cheem tej lag luam txhaum kev cai. Pab tub rog tuav riam phom no raug tsa los ntawm cov tub rog uas ncaim ntawm cov tub rog Karen xyoo 1990, thiab lawv tau mus koom nrog tseem hwv cov tub rog. Lawv rais ua ib pab tub rog loj nyob raws ciam teb uas tau txais kev txhawb nqa ntawm cov tub rog Myanmar xyoo 2019.
Kev tiv thaiv kev hla ciam teb, ua rau pab tub rog no tuaj yeem nkag mus txog kev nplua nuj. Hauv lawv cheeb tsam uas lawv saib xyuas, rais ua lub hlau nplaum ntawm kev twv txiaj txhaum kev cai, kev twv txiaj Online thiab ua qhov chaw ntxias dag uas ri mus thoob ciam teb Myanmar npuas Suav thiab Thaib.
