Cov tsev raus tsos nyob Npees Las Des teb, ua tawm khaub ncaw tshiab sai kawg, tab sis siv lub zog ntuj tsim qeeb.
Lub zog hluav taws xob tus nqi nce siab tab tom ua kev kub ntxhov rau cov tsev ntos ntaub nyob Npees Las Des teb, ces muaj 10 tawm lub tuam tsev yuav tsum raug kaw tseg. Li ntawd, Npees Las Des teb yuav rov xav txog tias puas tsim nyog xa lub zog hluav taws xob mus rau lub tuam tsev loj tshaj nyob hauv lub teb chaws, hauv kev xa tawm thiab kev ntiav zog li cas. Tsis hais phiaj ziab tshav ntuj los yog cov dej ntsuab hauv cov tsev tsim toob xib. Tej tsev ntos ntaub tab tom nrhiav txog lwm lub tswv yim tshiab, kom lawv tau kev muag khaub ncaws pheej yig thiab muaj qab hau rau txhua yam nyob ib puag ncig. Yog tsis li ntawd, cov tsev ntos ntaub no yuav muaj qhov piam sij thiab kaw tseg. Npees Las Des teb yog lub teb chaws tsim khaub ncaws ntau tim 2 nyob thoob ntiaj teb, thiab tsaib no xa tawm khaub ncaws li ntawm 38,500 plhom dos las. Yog xa mus rau txhua hom Blend uas nto npe, xws li H&M mus txog Zara.
Npees Las Des muaj lub hom phiaj tias yuav txhab kev xa tawm kom txog 40,000 plhom dos las rau xyoo 2025 no. Tus nrog Npees Las Des teb sib tw yog Nyab Laj teb. Xav tias Nyab Laj teb yuav yeej Npees Las Des teb, vim Nyab Laj teb xav tias cov khaub ncaws yuav xa tawm txog 44,000 plhom dos las. Hauv lub teb chaws uas vam txog kev xa tawm khaub ncaws Fastion 80 feem pua thiab muaj kev ntiav tub zog li ntawm 4 plhom, txhua yam kev kub ntxhov ua kom cov tuam tsev ntos ntaub raug kaw ntau lub. Ua rau 50 tawm txhiab tus neeg poob hauj lwm nyob hauv ob peb lub hlis dhau los no. Cov lus no yog tshaj tawm raws NGWF.
