Cov kws tshawb fawb hais txog Asia cov lus teb ntawm sab ntsuj plig thiab kev kub ntxhov ntawm txhua yam nyob ib puag ncig
Kev tshawb fawb kev ntseeg thiab kev xa xov hauv zej zog nyob As Xias teb los yog ARC, tau tshaj tawm hais txog ib phau ntawv tshiab uas txhib txog As Xias cov lus teb ntawm sab ntsuj plig thiab kev kub ntxhov ntawm txhua yam nyob ib puag ncig. Nyob hauv hnub thov Ntuj rau kev txhim kho lub ntiaj teb, hauv hnub tim 1 lub 9 hlis no.
Phau ntawv hu ua : “Kev ntseeg, kab lis kev cai thiab kev vam meej ntawm yam muaj txoj sia nyob As Xias.” Phau ntawv no tau khaws tas cov kws txawj ntse, cov kws txuj kev ntseeg thiab cov neeg coj ncaj nyob thoob As Xias teb, kom tau soj ntsuam tias cov kab ke hauv kev ntseeg thiab tej kab lis kev cai muaj ntau yam ua kom paub txog yam muaj txoj sia thiab teeb meem zim txwv no tau li cas.
Phau ntawv no tau sau tas lub ntsiab tob ntawm Phus Thas, Kev ntseeg, Islam, Khoov Fwm Txws, Shinto thiab fab ntsuj plig hauv zej zog. Muab kev txhawj xeeb fab kev ntseeg tso rau hauv kev ncaj ncees, kab lis kev cai thiab tus ntsuj plig.
Txiv Plig Le Duc hais tias : “Phau ntawv no ua kom pom tias cov kab ke hauv fab ntsuj plig thiab kab lis kev cai ntau yam cuam tshuam txog yam muaj txoj sia li cas. Thiab qhia mus rau yav tom ntej uas nyob ntev thiab kev pub txoj sia.
