Caritas Yes Lus Xas Les tuav rawv txoj cai, tom qab cov His Xas Lais txwv tsis pub xa kev pab mus rau ntau caum pab neeg nyob GAZA
Caritas Yes Lus Xas Les tau hais txog txoj cai thiab lub hwj chim ntawm kev ua hauj lwm, tom qab cov His Xas Lais txwv tsis pub lub Koom Haum tib neeg kev ncaj ncees mus pab cov neeg nyob GAZA ntau caum qhov chaw. Cov His Xas Lais tshaj tias ; yuav txwv daim ntawv tso cai ntawm cov Koom Haum tsis pub nkag mus pab neeg nyob hauv 30 tawm qhov chaw lawm. Kev txwv yuav pib nyob hauv hnub tim 1 lub 1 hlis 2026 no mus. Lawv hais tias lub Koom Haum pab neeg tsis tau ua raws cov lus teeb tseg tshiab, uas yog nthuav tawm tej ntaub ntawv hais txog cov Pas Les Tis Nas, qhov chaw nyiaj txiag los thiab kev ua hauj lwm.
Tej kev ua hauj lwm no tau ua kom muaj kev xyav moo ntawm txhua lub teb chaws, hais txog tib neeg kev ncaj ncees uas muaj heev zuj zus. Hauv tej lus sib cav no Caritas Yes Lus Xas Les hais tias ; lawv tsis tas yuav rov nce npe dua tshiab rau cov tub rog His Xas Lais. Vim lawv yog lub Koom Haum kev ntseeg uas tau txais lus kheev raug cai los ntawm cov tseem hwv His Xas Lais lawm.
Nyob hauv 37 lub Koom Haum uas tab tom raug txwv ntawd, kuj muaj lub Koom Haum tib neeg kev ncaj ncees ntawm txhua lub teb chaws nyob xyaw thiab. Cov Koom Haum no tau pab tej yam tseem ceeb, xws li saib xyuas kev noj qab haus huv, faib txhiam xws noj, pab chaw nyob chaw pw, dej haus thiab tsev plob, kev kawm thiab pab txhawb nqa cov neeg nyob GAZA tej siab ntsws. Yog qhov tib neeg txoj kev ncaj ncees xav tau tshaj plaws, tom qab muaj kev sib ntaus sib tua laug los ntev thiab rhuav tshem kev ua lub neej nyob los ntau lub hlis.
