Qhia kev ntseeg hauv kev ua yeeb yam: Thaum "Tswv Ntuj ua si nrog tsos los yog xim.
Qhia kev ntseeg hauv kev ua yeeb yam: Thaum "Tswv Ntuj ua si nrog tsos los yog xim.
Adeline yog ib tug kws kho mob poj niam uas ua hauj lwm nyob hauv fab new clear hauv ib lub tsev kho mob, nyob nruab nrab hauv Fis Lis Pees teb. Nws kawm tiav txheej siab fab npaj ua kws kho mob. Tom qab nws ua kws kho mob los ntau xyoo, nws tau kawm tiav txheej siab hais txog kws tshawb fawb thiab nws mus rau As Mes Lis Kas teb. Thaum nws lub neej tab tom vam meej, nws tau kawm tiav txheej siab hais txog kev ntaus paj nruag. Nws pib npaj kev ua yeeb yam hais txog duab nyob Fis Lis Pees qab teb hauv lub npe “Kev sau duab tsos liab ntsuab ntawm Adeline.” Yuav ua mus txog lub 7 hli tas.
Qhov ua kawg ntawm Adz yog : (Adeline xav siv lub npe Adz.”
Muaj paj ntoos, muaj noog, muaj xyoob ntoo thiab muaj nws lub tsev. Xws li lub tsev teev Ntuj qub qub nyob hauv plawv nroog, muaj cov haiv neeg thiab lwm yam.
Hais txog nws kev kos duab, nws nyuam qhuav kawm kos duab hauv xyoo 2017.
Adz yog ib tug kws kos duab uas nto npe kawg. Nws ua ntau yam uas tau txais kev txhawb zog los ntawm suab paj nruag thiab yas suab, thiab ntau yam ntxiv. Xws li kev pauv ntxeev huab cua uas nws hnov los ntawm lub xov tooj cua. Nws hu nws kev sau duab tias; yog kev ua tawm hais txog kev ntseeg. Nws cov phooj ywg hais tias; nws cov duab muaj qhov txawv txav thiab zoo nkauj sib xyaws daws.
Adz hais tias nws tsis yog tus neeg saib lub ntiaj teb raws qhov tseeb. “Kuv ntxiv qhov ntxim siab mus rau hauv kuv tej hauj lwm. Kuv nyiam sim ua thiab theej tej zaj nyob hauv cov duab kuv sau.” Qhov uas kuv kheev kheev hais txog, yog tej zaj uas ua lub zog txhawb siab rau kuv. Adz yog ib tug Kav Tos Liv, nws txais lub Cim Ntxuav thiab nws niam nws txiv yog neeg Kav Tos Liv coj nruj.
