Oos Xas Xus Cis uas nws yog tus thawj coj kev thaj yeeb nyob Mias Mas teb, nws raug ntiab thiab raug kaw nkuaj 7 xyoo ntxiv, vim lawv soj ntsuam nws lub txim ntev thiab qhov kawg nws tau txais lub txiaj Nos Npes ntawm kev thaj yeeb.
Tus neeg tau txais lub txiaj Nos Npes ntawm kev thaj yeeb, raug kaw nkuaj tshaj 30 xyoo. Zim txwv no Oos Xas Xus Cis muaj 77 xyoo lawm, nws rais ua ib tug neeg raug txim txij hnub cov tub rog txeeb teb chaws lub 2 hlis tsaib no.
Nws raug liam ris txhua lub txim, txij lub txim nyiag noj nyiaj mus txog kev ua txhaum cai thiab hla txoj cai txwv tus kab mob COVID-19. Nws raug kaw nkuaj ntxiv mus 7 xyoo, nws lub txim yog nyiag noj nyiaj thiab siv nyiaj yuav Helicopter rau cov pwm tsav, nws lub txim yog ua rau tseem hwv puas koob puas npe.
Oos Xas Xus Cis raug txiav txim kaw nkuaj 33 xyoos, tom qab lub tuam tsev txiav txim soj ntsuam nws lub txim 18 lub hlis.
Kev soj ntsuam thiab txiav txim, mas pab neeg saib xyuas kev ncaj ncees pom tias yog kev dag, vim pom meej meej nyob hauv kev soj ntsuam.
Cov tub xov xwm raug txwv tsis pub mus koom thiab tsis pub paub txog kev txiav txim ntawm Oos Xas Xus Cis, txwv tsis pub tshaj xov xwm ntawm txoj kev uas yuav coj Oos Xas Xus Cis mus kaw nyob hauv lub tuam ceeb Nes Pis Dos.
Cov lus no yog tsab ntawv xov xwm AFP tshaj tawm.
Tus qub Txoov Tim Tswv Mias Mas hu ua Win Myint kuj raug liam txim nrog Oos Xas Xus Cis thiab, ces nkawd yuav thov cev ntawv txo txim ntawm lub tuam tsev txiav txim ntxiv mus.
