Niam Mab Liab tsis lo lub keeb txhaum

Puag thaum neeg lub keeb los mas HUAB TAIS yeej teeb ib tug poj niam tsis lo lub keeb txhaum tseg cia ua neeg qhov chaw dim los lawm, raws li lo lus HUAB TAIS hais rau tus dab tias “Kuv yuav ua kom muaj kev ciaj caub ntawm koj thiab tus poj niam, ntawm koj caj ces thiab nws caj ces. Nws yuav tsuj koj taub hau, koj yuav tom nws luj taws." (HP3:15)

Li ntawd niaj xyoo cov ntseeg hauv Aws Los Pas tuam teb thiaj ua lub ntees cav txog niam Mab Liab tias yog tus ntshiab huv tiag.

Nyob rau lub Rooj Ncauj Lus Las Tes Laas 4 hauv xyoo 1215 thiaj tshaj tias Leej Ntuj Plig ua kom Huab Tais Yes Xus yug ntawm nkauj ntshiab Mab Liab los.

Xyoo 1555 Vaj Qhia Paj Lug 5 thiaj zeem tseeb tias niam Mab Liab yog tus nkauj ntshiab puag thaum tsis tau yug, thaum tab tom yug thiab thaum muaj txoj sia nyob.

Los txog xyoo 1854 Vaj Qhia Pis Us 9 thiaj tshaj tias niam Mab Liab yog tus tsis lo lub keeb txhaum tiag, vim niam Mab Liab yog Tswv Ntuj leej niam. Qhov xwm zeem tseeb txog qhov no yog xyoo 1858, niam Mab Liab yees tawm los hais rau tus me nyuam ntxhais Npes Nas Ntes pom hauv lub nrooj Luj, Fab Kis teb tias “Kuv yog tus tsis lo lub keeb txhaum.”