LEEJ NTSHIAB LES OS TUS LOJ (St. Leo the Great)

Leej Ntshiab Lis Os tau ua Tswv Qhia nyob Los Mas xyoo 440, yog lub caij uas Los Mas raug txeeb. Les Os thiaj tau txais lub npe tias : “Les Os tus loj”. Vim Les Os muaj tsim thiab tsis muab hlob. Nws txawj thim xav thiab muab siab rau ua nws txoj hauj lwm uas txais los ntawm Leej Ntshiab Pob Zeb. Nws muaj lub siab ruaj nreb nyob hauv txoj kev ntseeg. Leej Ntshiab Les Os tau tsa lub rooj ncauj lus nyob hauv lub nroog Khas Tshaws Dos Nias (Calchedonia) xyoo 451. Nws cov lus muaj zog nyob hauv cov kab ke Los Mas thiab lub Caij Yes Xus Yug Los. Les Os yog tus cawm kom Los Mas dim ntawm cov tub rog As Tis Las xyoo 452. Xyoo 455 kev sib ntaus rog thiab kev ua tub sab tub nyiag nyob Los Mas thiaj tiaj tus. 96 sob lus nthuav ntawv Moo Zoo ntawm Les Os, mas yog ib co lus qhuab qhia meej kawg. Vim nws siv xeem lus thiab cov txwm ntawv yooj yim. Nod thiaj yog thawj zaug uas khaws ib tug Vaj qhia cov lus ua ib phau ntawv. 
Cov neeg ntseeg tshuav Leej Ntshiab Les Os nuj nqis ntau kawg, vim Les Os tau sau ntau zaj thov Ntuj zoo zoo. Cov Txiv Plig tej phau ntawv thov Ntuj, kuj yog xaiv tej zaj thov Ntuj uas nyob hauv Leej Ntshiab Les Os cov zaj tawm los. Pom tau tias Leej Ntshiab Les Os cov zaj thov Ntuj yog ib co lus muaj sia nyob mus li. Tseem muaj cov ntawv hais txog lub Koom Txoos tej kab ke uas yog Leej Ntshiab Les Os sau tseg thiab.