Zaj nyeem hnub tim 9 lub 3 hlis 2026
Hnub Ob, Lis Piam 3 caij Plaub Caug
Cov lus nyob hauv Lus Kas Ntawv Moo Zoo (LK 4: 24-30)
Kwv tij sawv daws, nyob rau zaj no qhia kom tias, peb yuav tsum txawj xam pom qhov zoo nyob rau hauv luag lwm tus, ntau dua qhov phem hauv luag. Yog peb coj lub siab nqaim siab ti, mas peb yuav tsis pom luag lwm tus txoj kev zoo, tab yog luag hais zoo, coj zoo, los peb yuav tsis pom, vim peb lub siab pheej xav phem. Peb yuav tsum hloov peb ua ntej, peb qhib siab mloog luag lwm tus, mas peb thiaj yuav pom luag qhov zoo. Tus tau txais Tswv Ntuj lub txiaj ntsim, yog tus neeg siab loj siab dav, nws ua siab dawb siab zoo rau luag tej, mas tus ntawd yuav tau Ntuj lub txiaj ntsim ntau.
