Zaj nyeem hnub tim 9 lub 1 hlis 2025 (Daily reflection)
Cov kwv tij zoo nyiam sawv daws, Huab Tais Yes Xus tsis tuaj rhuav Txoj Cai thiab cov Yaj Saub, tab sis mas nws tuaj qhia ntxiv kom thoob. Huab Tais Yes Xus yog tus Cawm Seej, tus Mes Xias. Cov His Xas Lais tos nws tuaj cawm. Huab Tais Yes Xus ua raws li cov yaj saub hais tseg: cov dig muag rov pom kev, cov ceg tawv mus taus kev, cov mob ruas rov huv lawm, cov lag ntseg hnov lus, cov tuag swv rov los, cov pluag tau hnov lub Moo Zoo lwm. Huab Tais Yes Xus ua cov lus cov yaj saub hais tseg kom thoob. Nyob hauv Huab Tais Yes Xus mas, Tswv Ntuj tau xaiv txoj kev ua hauj lwm tshiab rau tib neeg. Niaj hnub no, Tswv Ntuj tseem hais lus rau peb hauv thaj txi Ntuj, hauv lub Koom Txoos kab ke teev Ntuj. Hauv Lub Moo Zoo, Tswv Ntuj hais lus rau peb tas huv si. Thov kom peb rau siab mloog Nws lus, thov kom peb nquag nyeem Ntawv Moo Zoo, yog vim tias thaum nyeem Ntawv Moo Zoo mas, peb tau txais lub zog tuaj ntawm Tswv Ntuj tuaj, Tswv Ntuj txhawb nqa peb, kom peb muaj zog.
