ZAJ NYEEM HNUB TIM 8 LUB 9 HLI 2025
HNUB UA HMOOV MAB LIAB YUS LOS
COV LUS NYOB HAUV MAS TAIS NTAWV MOO ZOO (MT 1: 18-23)
Kwv tij sawv daws, hnub no yog hnub uas lub Koom Txoos cia peb ua hmoov niam Mab Liab yug los, peb xav tias lub Moo Zoo uas peb coj los nyeem nyob rau hauv hnub no, peb yuav ua tib zoo los mloog thiab xav tswv yim me ntsis. Lo lus tias “Es Mas Nus Es” txhais tias “Tswv Ntuj nrog peb nyob,”
Qhov uas niam Mab Liab tau txais lub meej mom ntau yog vim Tswv Ntuj nrog nws nyob, raws li nyob hauv nqe lus uas Tswv Ntuj tus Tshiab Nkas Nplias xa xov hais tias “Koj nyob kaj lug Mab Liab tus tau txiaj ntsim puv siab, Tswv Ntuj nrog koj nyob.”
Hnub no yog hnub peb ua hmoov niam Mab Liab yug los, ces zaj nyeem yog txhib peb siab txog lo lus no tias “Tswv Ntuj nrog peb nyob.” Yog li ntawd, yeej muaj Tswv Ntuj nrog peb nyob tiag tiag, peb yuav plam Tswv Ntuj tsis tau, peb yuav coj tus yam ntxwv zoo li niam Mab Liab, uas mloog Tswv Ntuj lus, thiab tso siab tas nrho rau Tswv Ntuj, peb yuav qhib peb lub siab tos txais Tswv Ntuj tuaj nyob hauv peb lub neej txhua txhia hnub.
Nyob zoo sawv daws.
