ZAJ NYEEM HNUB TIM 8 LUB 10 HLI 2025
HNUB PLAUB, LIS PIAM 27 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 11: 1-4)
Kwv tij sawv daws, nyob rau hauv Ntawv Ntshiab, muaj piav txog Huab Tais Yes Xus teev Ntuj nws mus nyob ib leeg ntsiag to, muaj tej zaum nws teev Ntuj ib hmos, cov thwj tim pom li ntawd, lawv xav teev Ntuj zoo li nws, ces lawv thiaj li tsa ncauj thov kom Yes Xus qhia lawv teev Ntuj zoo yam li Zam qhia Zam cov thwj tim teev Ntuj. Li ntawd, Huab Tais Yes Xus thiaj qhia cov thwj tim teev Ntuj, tab sis, Huab Tais zaj teev Ntuj txawv lwm tus zaj, vim nyob rau ntawm Huab Tais Yes Xus kev teev Ntuj yog nws nkag txog Tswv Ntuj lub ntuj tshiab, uas muaj yus thiab Tswv Ntuj xwb, thaum kev teev Ntuj txog qhov ntawd, ces yus yuav paub tias Tswv Ntuj yog leej twg, nws xav li cas? Nws saib neeg zoo li cas?
Zaj peb txiv nyob saum ntuj uas Huab Tais Yes Xus qhia peb hais no, yog kev uas nws coj peb nkag txog Leej Txiv muaj hwj huam, uas nws nyob saum Ntuj, nws xav kom peb nyob thaj yeeb, nws nyiam thiab hlub peb, nws khuv leej peb, nws zam rau peb, li ntawd, zaj teev Ntuj no yog qhia txog kev sib fim ntawm neeg thiab Tswv Ntuj, zoo yam li txiv tub.
Nyob zoo sawv daws.
