Zaj nyeem hnub tim 8 lub 1 hlis 2025 (Daily reflection)
Ntawv Moo Zoo zaj no piav tseeb txog tej kev qaug zog los kev tsis muaj zog ntawm peb lub neej. Yog tias txhua yam hauv peb lub neej zoo li qub, tsis muaj dab tsi pauv ntxeev hauv yus lub neej, peb ntseeg tias peb muaj zog. Tab sis mas thaum lub sij hawm tsaus ntuj nti tuaj txog, thaum teeb meem los xwm txheej tuaj txog, thaum ntawd peb yuav poob hauv qhov teeb meem ntawd. Tab sis mas, hauv sij hawm xwm txheej li no, txoj kev ntseeg txog Tswv Ntuj ua kom peb muaj zog, kev ntseeg nruaj nreb ua kom peb yeej kom dhau mus tau zoo li Huab Tais Yes Xus kov yeej tau kev mob kev nkeeg, kev phem, kev txhaum thiab kev tuag.
Muaj zog los ntawm peb txoj kev ntseeg, nyob tej yam hwj huam yees ntxwv uas Tswv Ntuj tau ua tiav nyob hauv pe blub neej, peb thiaj li tshaj tawm tias: "Qhov tseeb, koj yog Tswv Ntuj Leej Tub".
Cia peb nco ntsoov thawj lo lus ntawm Vaj Qhia Zam Paj Lug tim 2 hais tias: "Tsis txhob ntshai qhib qhov rooj rau Huab Tais Yes Xus." Li ntawd, peb thiaj siv Tswv Ntuj Lo Lus hauv Ntawv Moo Zoo hais tias: Cia peb qhib qhov rooj rau Huab Tais Yes Xus thiab peb yuav tsis ntshai ntxiv lawm, vim nyob hauv nws peb yuav yeej.
