ZAJ NYEEM HNUB TIM 6 LUB 9 HLI 2025
HNUB XYA, LIS PIAM 22 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 6: 1-5)
Kwv tij sawv daws, yog tias txoj kev ntseeg tsuas kawg rau cov kab ke teev hawm thiab txoj cai xwb, ces ntshai yuav tsis yog txoj kev ntseeg Ntuj tiag tiag. Yog tias kev ntseeg Ntuj tsuas muaj txoj cai los kav neeg nruj thiab hla tsis dhau, ces qho ntawd tsuas yog txoj kev cai, los yog tib neeg tej kab ke xwb. Txoj kev ntseeg Ntuj raws li cov Yus Das tej kev cai thaum ub, yeej nruj heev, tab sis Huab Tais Tswv Ntuj khuv leej neeg, nws lub siab loj dua qhov neeg xav. Tiam sis ntau zaus tib neeg ua tus tswj txhua yam thiab muab txoj cai los tswj txhua yam, kom raws li neeg txoj cai, ua rau neeg ntsia tsis pom Tswv Ntuj lub siab hlub lawm.
Nyob rau ntawm Tswv Ntuj, mas neeg txoj sia yog qhov tseem ceeb dua txhua yam kev cai. Vim tias qhov tsim nyog uas yuav pab kom neeg dim yog neeg txoj sia. Nyob rau hauv kev ua neeg thaum tshaib plab yeej txawj noj, thaum muaj mob yeej yuav tsum nrhiav tshuaj, thaum no yuav tsum nrhiav pam vov raws li neeg kev ua neej.
Peb yuav muab Tswv Ntuj txoj kev khuv leej thiab nws kev nyiam kev hlub los saib hlob dua txoj cai hauv kev ntseeg. Li ntawd, peb yuav tsum saib txhua tus neeg muaj nuj nqis, txoj kev sib hlub yog qhov muaj nuj nqis tshaj, thov kom peb nco ntsoov.
Nyob zoo sawv daws.
