HNUB TIM 31 LUB 10 HLI; HNUB TSIB LUB LIS PIAM 30 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 13: 31-35)
Kwv tij Hmoob, thaum cov Fas Lis Xais tuaj hais cov lus hem Huab Tais Yes Xus tias tus vaj Hes Los nrhiav muab Huab Tais Yes Xus tua. Lawv hais li kom Huab Tais Yes Xus ntshai, ces nyaj Huab Tais Yes Xus yuav khiav tawm ntawm lub tsheej mus.
Huab Tais Yes Xus tsis ntshai, nws tseem tab meeg ua nws cov hauj lwm ntxiv mus. Huab Tais Yes Xus hais rau lawv tias “Tab txawm kuv yuav raug hiam npaum cas los kuv yuav tsum ua ntxiv mus kom txog hnub cov hauj lwm tiav.”
Kwv tij, peb sawv daws ntawm peb los peb kuj yuav ua cov hauj lwm zoo, cov hauj lwm pab luag tej ntxiv, yog tias peb tseem muaj txoj sia nyob.
Ntau zaus peb raug hem los raug hiam, peb tsis ntshai, peb tso siab rau Huab Tais Tswv Ntuj vim tsuas muaj Tswv Ntuj tib tug xwb yuav txiav rau peb tias hnub no, tag kis, los nag kis peb lub neej yuav mus zoo li cas.
